غِنَيْ هَنَا الْحَجّ لِمَدِينَةْ الْقُدُسْ
1 الْيِتْوَكَّلَوْا عَلَيْ اللّٰهْ،
هُمَّنْ مِثِلْ جَبَلْ صَهْيُون الْمَا يِلْحَرَّكْ
وَ قَاعِدْ إِلَى الْأَبَدْ.
2 وَ مِثِلْ مَدِينَةْ الْقُدُسْ
مُحَوَّقَةْ بِجِبَالْ،
اللّٰهْ كُلَ مُحَوِّقْ شَعَبَهْ
مِنْ هَسَّعْ وَ إِلَى الْأَبَدْ.
3 وَ هُو مَا يِثَبِّتْ مُلُكْ جَايِرْ
فِي بَلَدْ الصَّالِحِينْ
وَ بَيْدَا، مَا يِمِدُّوا إِيدَيْهُمْ
لِيِسَوُّوا جَرِيمَةْ.
4 يَا اللّٰهْ، سَوِّي الْخَيْر
لِلنَّاسْ الْيِسَوُّوا الْخَيْر
وَ لِلنَّاسْ الْقُلُوبْهُمْ بُيُضْ.
5 وَ لَاكِنْ النَّاسْ الْيِشِيلُوا الدَّرِبْ الْأَعْوَجْ،
أَطْرُدْهُمْ، يَا اللّٰهْ،
مَعَ النَّاسْ الْيِسَوُّوا الشَّرّ.
وَ جِيبْ السَّلَامْ لِبَنِي إِسْرَائِيلْ!
© La Bible en arabe tchadien © Alliance biblique du Tchad, 2019
