غِنَيْ هَنَا الْحَجّ لِمَدِينَةْ الْقُدُسْ
1 مَبْرُوكْ لِأَيِّ رَاجِلْ الْيَخَافْ مِنْ اللّٰهْ
وَ يِشِيلْ دَرْبَهْ.
2 وَ إِنْتَ تَفْرَحْ بِالْمَعَاشْ التَّلْقَى مِنْ خِدِمْتَكْ
وَ تِنْبَسِطْ وَ تَلْقَى الْخَيْر.
3 وَ مَرْتَكْ تَبْقَى مِثِلْ شَدَرَةْ الْعِنَبْ
التَّلْدَ كَتِيرْ فِي لُبّ بَيْتَكْ
وَ عِيَالَكْ يَبْقَوْا مِثِلْ بُذُورْ شَدَرْ الزَّيْتُونْ
وَكِتْ يَقْعُدُوا لِلْأَكِلْ.
4 وَ دِي بَسْ الْبَرَكَةْ الْيَلْقَاهَا
أَيِّ رَاجِلْ الْيَخَافْ مِنْ اللّٰهْ.
5 وَ مِنْ صَهْيُون، اللّٰهْ يِبَارِكَكْ
وَ إِنْتَ تِشِيفْ الْخَيْر فِي مَدِينَةْ الْقُدُسْ
مُدَّةْ كُلَّ أَيَّامْ حَيَاتَكْ.
6 وَ تِشِيفْ عِيَالْ عِيَالَكْ.
خَلِّي اللّٰهْ يِجِيبْ السَّلَامْ فِي بَنِي إِسْرَائِيلْ!
© La Bible en arabe tchadien © Alliance biblique du Tchad, 2019
