غِنَيْ هَنَا الْحَجّ لِمَدِينَةْ الْقُدُسْ
1 «مِنْ أَنَا صَبِيَّةْ، هُمَّنْ ضَايَقَوْنِي زِيَادَةْ.»
خَلِّي بَنِي إِسْرَائِيلْ يُقُولُوهْ!
2 «مِنْ أَنَا صَبِيَّةْ، هُمَّنْ ضَايَقَوْنِي زِيَادَةْ
لَاكِنْ مَا قِدْرَوْا فَوْقِي.
3 الْحَرَّاتِينْ حَلْبَبَوْا ضَهَرِي
مِثِلْ زَرَعْ حَرَتَوْه بِتَوْر.
4 وَ لَاكِنْ اللّٰهْ صَادِقْ
وَ حَلَّ مِنِّي حُبَالْ الْعَاصِيِينْ.»
5 هُو يِعَيِّبْ كُلَّ النَّاسْ الْيَكْرَهَوْا صَهْيُون
وَ يِقَبِّلْهُمْ وَرَاءْ.
6 وَ يَبْقَوْا مِثِلْ الْقَشّ هَنَا رَاسْ الْبَيْت
الْيَيْبَسْ قَبُلْ وَكْتَهْ.
7 الْيَقْطَعَهْ مَا يَمْلَا إِيدَهْ
وَ الْيُخُمَّهْ كُلَ مَا يَمْلَا حُضْنَهْ.
8 وَ النَّاسْ الْفَايْتِينْ مَا يُقُولُوا:
«اللّٰهْ يِبَارِكُّو!»
وَ أَنِحْنَ نِبَارُكُوكُو بِأُسُمْ اللّٰهْ.
© La Bible en arabe tchadien © Alliance biblique du Tchad, 2019
