1 الْحَمْدُ للّٰهْ!
أَحْمُدُوا الرَّبّ فِي بَيْتَهْ الْمُقَدَّسْ
وَ أَحْمُدُوهْ فِي بَكَانَهْ الْقَوِي فِي السَّمَاءْ.
2 أَحْمُدُوهْ فِي شَانْ أَعْمَالَهْ هَنَا الْفَرَاسِيَّةْ
وَ أَحْمُدُوهْ فِي شَانْ عَظَمَتَهْ الْكَبِيرَةْ.
3 أَحْمُدُوهْ بِحِسّ الْبُوقْ
وَ أَحْمُدُوهْ بِأَمْ سِبَيْبَةْ وَ جِقِنْدِيَّةْ.
4 أَحْمُدُوهْ بِتَنْبَلْ وَ لِعِبْ
وَ أَحْمُدُوهْ بِقِتَارْ وَ صُفَّارَةْ.
5 أَحْمُدُوهْ بِحِسّ الْجَرَسْ
وَ أَحْمُدُوهْ بِحَرَكَةْ الْجُرْسَانْ.
6 يَا كُلَّ الْمَخْلُوقِينْ الْعِنْدُكُو نَفَسْ،
أَحْمُدُوا اللّٰهْ!
الْحَمْدُ للّٰهْ!
© La Bible en arabe tchadien © Alliance biblique du Tchad, 2019
