1 اللّٰهْ هُو الْمَلِكْ.
خَلِّي الشُّعُوبْ يَرْجُفُوا!
هُو قَاعِدْ فَوْق الْمَخْلُوقِينْ السَّمَاوِيِّينْ.
خَلِّي الْأَرْض تِنْهَزَّ!
2 اللّٰهْ هُو كَبِيرْ فِي صَهْيُون
وَ عَالِي فَوْق كُلَّ الشُّعُوبْ.
3 خَلِّي يَشْكُرُوا أُسْمَهْ الْعَظِيمْ وَ مُخِيفْ!
هُو الْقُدُّوسْ!
4 قُدْرَةْ الْمَلِكْ، هِي حُبّ الْعَدَالَةْ
وَ إِنْتَ ثَبَّتّْ الْحَقّ.
الْحَقّ وَ الْعَدَالَةْ فِي أُسُطْ ذُرِّيَّةْ يَعْقُوبْ
وَ إِنْتَ بَسْ سَوَّيْتهُمْ.
5 عَظُّمُوا اللّٰهْ إِلٰـهْنَا
وَ أَسْجُدُوا قِدَّامْ عَرْشَهْ!
هُو الْقُدُّوسْ!
6 مُوسَى وَ هَارُونْ بَيْن رُجَالْ الدِّينْ هِنَيْه
وَ صَمُوِيلْ مَعَ الْيِنَادُوا أُسْمَهْ.
هُمَّنْ يِنَادُوا اللّٰهْ
وَ هُو يُرُدّ لَيْهُمْ.
7 فِي عَمُودْ السَّحَابْ،
هُو حَجَّى لَيْهُمْ
وَ هُمَّنْ حَفَضَوْا مُعَاهَدَتَهْ
وَ شُرُوطَهْ الْأَنْطَاهُمْ لَيْهُمْ.
8 يَا اللّٰهْ إِلٰـهْنَا، إِنْتَ ذَاتَكْ رَدَّيْت لَيْهُمْ
وَ إِنْتَ بِقِيتْ لَيْهُمْ إِلٰـهْ غَفُورْ
وَ لَاكِنْ عَاقَبْتُهُمْ حَسَبْ أَعْمَالْهُمْ.
9 عَظُّمُوا اللّٰهْ إِلٰـهْنَا!
وَ أَسْجُدُوا قِدَّامْ جَبَلَهْ الْمُقَدَّسْ
أَشَانْ اللّٰهْ إِلٰـهْنَا هُو الْقُدُّوسْ!
© La Bible en arabe tchadien © Alliance biblique du Tchad, 2019
