رَوْمَا 15 - Arabe tchadien (alphabet arabe) (ShuArab)

1 لَاكِنْ أَنِحْنَ الْقَوِيِّينْ فِي الْإِيمَانْ، وَاجِبْ نَحْمَلَوْا أَخْوَانَّا الْمَا قَوِيِّينْ فِي الْإِيمَانْ. وَ مَا وَاجِبْ نِسَوُّوا الشَّيّءْ الْيَعَجِبْنَا أَنِحْنَ بَسْ. 2 خَلِّي أَيِّ نَادُمْ مِنِّنَا يِسَوِّي الشَّيّءْ الْيَعَجِبْ أَخُوهْ وَ دَا، لِخَيْرَهْ وَ لِيِقَوِّيهْ فِي الْإِيمَانْ. 3 أَشَانْ الْمَسِيحْ ذَاتَهْ مَا شَالْ الدَّرِبْ الْيَعَجِبْ نَفْسَهْ، لَاكِنْ مَكْتُوبْ فِي الْكِتَابْ: <الْيِعَيُّرُوكْ، مُعْيَارْهُمْ وَقَعْ فَوْقِي أَنَا كُلَ.> 4 كُلَّ شَيّءْ الْكَتَبَوْه فِي الزَّمَنْ الْفَاتْ أَنْكَتَبْ لِيِعَلِّمْنَا. أَشَانْ بِالصَّبُرْ وَ الشَّجَاعَةْ الْعَلَّمْنَاهُمْ مِنْ الْكُتُبْ، نَمْشُوا قِدَّامْ بِعَشَمْ.

5 اللّٰهْ يَنْطِي الصَّبُرْ وَ الشَّجَاعَةْ وَ خَلِّي يَنْطِيكُو كُلُّكُو فِكِرْ وَاحِدْ لِتِتَابُعُوا دَرِبْ الْمَسِيحْ عِيسَى 6 لَحَدِّي كُلُّكُو تِمَجُّدُوا اللّٰهْ أَبُو رَبِّنَا عِيسَى الْمَسِيحْ بِنِيَّةْ وَاحِدَةْ وَ بِحِسّ وَاحِدْ.

بِشارة المسيح لكل الناس

7 خَلَاصْ، أَقْبَلَوْا كُلَّ مُؤمِنْ بِالْمَسِيحْ مِثِلْ الْمَسِيحْ قِبِلَاكُو. وَ بِمِثِلْ دَا، تِمَجُّدُوا اللّٰهْ. 8 وَ فِي شَانْ دَا، نُقُولْ لَيْكُو كَدَرْ الْمَسِيحْ بِقِي خَدَّامْ لِلْيَهُودْ أَشَانْ يِوَصِّفْ كَدَرْ اللّٰهْ صَادِقْ وَ يِتِمّ الشَّيّءْ الْوَاعَدْ بَيَّهْ جُدُودْهُمْ. 9 وَ جَاءْ أَشَانْ النَّاسْ الْمَا يَهُودْ كُلَ يَشْكُرُوا اللّٰهْ فِي شَانْ رَحْمَتَهْ. مَكْتُوبْ فِي الْكِتَابْ: <بِسَبَبْ دَا، يَا اللّٰهْ، فِي أُسْط الْأُمَمْ نَشْكُرَكْ وَ بِغِنَيْ، نَمْدَحْ أُسْمَكْ.> 10 وَ بَتَّانْ بُقُولْ: <يَا الْأُمَمْ، أَفْرَحَوْا مَعَ شَعَبْ اللّٰهْ.> 11 وَ بَتَّانْ بُقُولْ: <يَا كُلَّ الْأُمَمْ، أَحْمُدُوا اللّٰهْ! يَا كُلَّ الشُّعُوبْ، مَجُّدُوهْ!> 12 وَ النَّبِي إِشَعْيَا قَالْ: <مِنْ ذُرِّيَّةْ يَسَّى يَجِي نَادُمْ وَ يَبْقَى مَلِكْ فِي كُلَّ الْأُمَمْ. وَ الشُّعُوبْ الْآخَرِينْ يُخُطُّوا عَشَمْهُمْ فَوْقَهْ.>

07 versets bibliques quand vous êtes anxieux

Lorsque vous vous sentez anxieux ou inquiet, il est bon de consulter la Bible. Dieu connaît nos peurs et nos inquiétudes, et la Bible contient de nombreuses paroles pour nous relever, nous donner de l’espoir et nous soulager de l’anxiété. Ésaïe 41:13 Car je suis l’Éternel, ton Dieu, Qui fortifie ta droite, Qui te dis: Ne crains rien, Je viens à ton secours. Vous n’êtes pas seul. Dieu est là, il est avec vous. C’est un rappel important, car l’anxiété peut être accablante. Mais Dieu est là pour vous aider. Jean 14:1 Que votre coeur ne se trouble point. Croyez en Dieu, et croyez en moi. Dieu s’est fait homme, Jésus-Christ, et a vécu comme l’un de nous. Il connaît votre situation. Jésus vous rappelle de vous tourner vers lui dans la foi. Psaumes 34:5 J’ai cherché l’Éternel, et il m’a répondu; Il m’a délivré de toutes mes frayeurs. Lorsque vous cherchez Dieu, la Bible nous dit que Dieu vous répondra. Cherchez Dieu de tout votre cœur et il vous délivrera de vos frayeurs. Psaumes 94:19 Quand les pensées s’agitent en foule au-dedans de moi, Tes consolations réjouissent mon âme. L’anxiété peut rendre votre cœur lourd et pesant. Lisez la Parole de Dieu et laissez-le vous élever. Proverbes 29:25 La crainte des hommes tend un piège, Mais celui qui se confie en l’Éternel est protégé. Nos peurs tentent de nous abattre et de nous piéger. Dieu est notre refuge, il est notre port d’attache. Mettez votre confiance en Dieu. Colossiens...

Plus

وَ اللّٰهْ الْأَنْطَاكُو عَشَمْ يَنْطِيكُو الْفَرْحَةْ وَ السَّلَامْ فِي الْإِيمَانْ أَشَانْ عَشَمْكُو فَوْقَهْ يِزِيدْ بِقُدْرَةْ الرُّوحْ الْقُدُّوسْ.

خِدْمة بُولُس في أُسْط الأُمم

14 يَا أَخْوَانِي، أَنَا بِنَفْسِي مُؤَكِّدْ كَدَرْ إِنْتُو مَلَانِينْ بِالْخَيْر وَ بِالْعِلِمْ وَ قَادْرِينْ تِلْوَاصَوْا أَمْبَيْنَاتْكُو. 15 لَاكِنْ فِي أَشْيَاءْ وَاحِدِينْ كَتَبْت لَيْكُو بِكَلَامْ قَوِي شِيَّةْ أَشَانْ دَوَّرْت نِذَكِّرْكُو بَيْهُمْ. وَ قِدِرْت كَتَبْت مِثِلْ دَا بِسَبَبْ النِّعْمَةْ الْاللّٰهْ أَنْطَاهَا لَيِّ 16 لِنَبْقَى خَدَّامْ لِلْمَسِيحْ عِيسَى. وَ خِدِمْتِي هِي بَلِّغِينْ بِشَارَةْ اللّٰهْ لِلْأُمَمْ الْمَا يَهُودْ. أَنَا نَبْقَى مِثِلْ رَاجِلْ دِينْ وَكِتْ نِبَلِّغْ بِشَارَةْ اللّٰهْ لِلْأُمَمْ الْمَا يَهُودْ لِيَبْقَوْا مِثِلْ ضَحِيَّةْ الْاللّٰهْ يَرْضَى بَيْهَا. وَ الضَّحِيَّةْ دِي تَبْقَى خَاصَّة لِلّٰهْ بِقُدْرَةْ الرُّوحْ الْقُدُّوسْ. 17 وَ أَشَانْ دَا، نِلْفَشَّرْ بِكُلَّ الْخِدْمَةْ السَّوَّيْتهَا لِلّٰهْ بِالْمَسِيحْ عِيسَى. 18 وَ أَبَداً مَا نِدَوْر نِحَجِّي بِأَيِّ خِدْمَةْ إِلَّا الْخِدْمَةْ الْعِيسَى الْمَسِيحْ سَوَّاهَا بَيِّ أَشَانْ الْأُمَمْ يِطِيعُوا اللّٰهْ. هُو خَدَمْ بِكَلَامْ وَ بِفِعِلْ 19 وَ بِقُدْرَةْ الْعَجَايِبْ وَ الْعَلَامَاتْ وَ بِقُدْرَةْ الرُّوحْ الْقُدُّوسْ. وَ مِثِلْ دَا، أَنَا بَلَّغْت بِشَارَةْ الْمَسِيحْ لِلنَّاسْ فِي كُلِّ بَكَانْ مِنْ مَدِينَةْ الْقُدُسْ لَحَدِّي بَلَدْ إِلِّرْكُونْ.

20 وَ عِنْدِي نِيَّةْ دَايْماً أَشَانْ نِبَلِّغْ الْبِشَارَةْ فِي أَيِّ بَكَانْ اللِّسَّاعْ مَا بَلَّغَوْا فَوْقَهْ أُسُمْ الْمَسِيحْ. مَا نِدَوْر نَبْنِي فِي أَسَاسْ الْخَطَّاهْ نَادُمْ آخَرْ. 21 نِدَوْر نِتَابِعْ الْكَلَامْ الْمَكْتُوبْ الْبُقُولْ: <النَّاسْ الْمَا حَجَّوْهُمْ بَيَّهْ يِشِيفُوهْ. وَ الْمَا سِمْعَوْا بَيَّهْ يَفْهَمَوْه.>

بُولُس يدَوْر يخْشى رَوْمَا

22 وَ عِدَّةْ مَرَّاتْ، حَاوَلْت نَجِيكُو وَ مَا قِدِرْت أَشَانْ خِدِمْتِي دِي دَحَرَتْنِي. 23 لَاكِنْ هَسَّعْ مَا فَضَّلْ لَيِّ بَكَانْ فِي الْمَنَاطِقْ دَوْل النِّبَشِّرْ فَوْقَهْ. وَ مِنْ سِنِينْ كَتِيرِينْ، نِدَوْر نَجِيكُو. 24 وَ خَلَاصْ، نَقْدَرْ نَخْشَاكُو وَكِتْ نَمْشِي إِسْبَانِيَا. إِنْ شَاءْ اللّٰهْ، نَجِيكُو وَ نَقْعُدْ مَعَاكُو أَيَّامْ وَ دَا يَبْقَى لَيِّ حَلُو. وَ بَعَدْ دَا، تِسَاعُدُونِي أَشَانْ نِسَافِرْ قِدَّامْ.

25 لَاكِنْ هَسَّعْ دَا، أَنَا مَاشِي مَدِينَةْ الْقُدُسْ أَشَانْ نِسَاعِدْ الصَّالِحِينْ. 26 أَشَانْ الْمُؤمِنِينْ الْفِي مَقِدُونِيَةْ وَ الْيُونَانْ شَالَوْا نِيَّةْ أَمْبَيْنَاتْهُمْ أَشَانْ يِرَسُّلُوا مُسَاعَدَةْ لِلْمَسَاكِينْ الْقَاعِدِينْ أَمْبَيْن الصَّالِحِينْ فِي مَدِينَةْ الْقُدُسْ. 27 وَ شَالَوْا النِّيَّةْ دِي بِفَرَحْ. وَ دَا مِثِلْ دَيْن فَوْقهُمْ أَشَانْ أَوَّلْ الْيَهُودْ قَسَّمَوْا بَرَكَاتْهُمْ اللِّقَوْهُمْ مِنْ اللّٰهْ مَعَ الْمَا يَهُودْ. وَ هَسَّعْ الْمَا يَهُودْ وَاجِبْ لَيْهُمْ يِسَاعُدُوا الْيَهُودْ بِالْبَرَكَاتْ الْأَرْضِيَّةْ اللِّقَوْهُمْ. 28 وَ وَكِتْ الْخِدْمَةْ دِي تِكَمِّلْ وَ أَنَا أَنْطَيْتهُمْ كُلَّ شَيّءْ اللَّمَّوْه لَيْهُمْ، نِشِيلْ دَرِبْ هَنَا إِسْبَانِيَا وَ نَخْشَاكُو فِي رَوْمَا. 29 وَ نَعَرِفْ كَدَرْ وَكِتْ نَلْحَقْ بَكَانْكُو دَا، نَجِيكُو مَلَانْ بِبَرَكَةْ الْمَسِيحْ الْخَاصَّة لَيْكُو.

30 وَ هَسَّعْ يَا أَخْوَانِي، نَطْلُبْ مِنْكُو بِأُسُمْ رَبِّنَا عِيسَى الْمَسِيحْ وَ بِمَحَبَّةْ الرُّوحْ الْقُدُّوسْ أَشَانْ إِنْتُو تَسْأَلَوْا اللّٰهْ مَعَايِ بِشِدَّةْ. 31 أَسْأَلَوْا لَيِّ اللّٰهْ أَشَانْ يَفْزَعْنِي مِنْ الْيَهُودْ الْمَا مَسِيحِيِّينْ فِي دَارْ الْيَهُودِيَّةْ. وَ أَسْأَلَوْا أَشَانْ الصَّالِحِينْ الْفِي مَدِينَةْ الْقُدُسْ يَرْضَوْا بِالْمُسَاعَدَةْ النِّجِيبْهَا لَيْهُمْ. 32 وَ مِثِلْ دَا، إِنْ شَاءْ اللّٰهْ نَجِيكُو بِفَرَحْ وَ نِنْجَمَّ مَعَاكُو شِيَّةْ. 33 اللّٰهْ رَبّ السَّلَامْ يُكُونْ مَعَاكُو كُلُّكُو. آمِينْ.