1 Wa misil da, chunu faaydit al-Yahuud ? Wa tahuurithum di, indaha faayde walla ? 2 Aywa, al-Yahuud induhum faayde kabiire bilheen ! Wa awwal cheyy, Allah ammanaahum be kalaamah. 3 Wa maala ? Kan waahidiin minhum ma induhum amaan, hal gillit amaanhum di tibattil amaan Allah walla ? 4 La, abadan. Kan kulla l-naas kaddaabiin kula, Allah yuguul daayman al-hagg. Achaan da, al-Kitaab buguul : <Ya Allah, inta saadikh wakit tikallim wa tinnasir wakit tihaakim.>
5 Kan be fasaalitna Allah yiwassif kadar hu aadil, nuguulu chunu ? Hal nuguulu Allah ma aadil wakit yinazzil khadabah foogna walla ? Be l-kalaam da, nihajji be fikir insaani bas. 6 La, abadan ! Kan Allah ma aadil, kikkeef yagdar yihaasib al-aalam ? 7 Akuun naadum waahid yuguul : «Sahiih, ana kadabt laakin kidbi yanti fursa le Allah achaan yiwassif be ziyaada kadar kalaamah sahiih. Wa achaan da, al-naas yimajjuduuh be ziyaada. Wa kan ke da, maala Allah yihaasibni maʼa l-muznibiin ?» 8 Wa khalaas, maala ma nuguulu : «Khalli nisawwu cheyy fasil achaan cheyy sameh yaji minnah ?» Wa da bas al-kalaam al-naas waahidiin yuguulu be kidib hu taʼliimna. Al-azaab al-yaji fooghum waajib leehum !
Kulla l-naas muznibiin
9 Wa kikkeef ? Aniina al-Yahuud afdal min al-naas al-aakhariin walla ? La, da ma sahiih. Awwal wassaft be kalaam waadih kadar al-Yahuud wa l-ma Yahuud kulluhum gaaʼidiin tihit al-zanib sawa sawa. 10 Wa l-Kitaab buguul :
<Ma fi naadum saalih
wa la waahid.
11 Ma fi naadum waahid aagil
wa ma fi naadum waahid yifattich Allah.
12 Kulluhum sawa baʼʼado wa waddaro,
ma fi naadum al-yisawwi al-kheer
wa la waahid.>
13 <Kalaam khuchuumhum yiwaddi le l-khabur
wa lisneehum malaaniin be kalaam halu khachchaach.>
<Wa chalaaliifhum
induhum samm amchideegaat.>
14 <Wa kalaamhum illa laʼana
wa kalaam murr marra waahid.>
15 <Rijleehum yajru
le daffigiin al-damm.
16 Al-damaar wa l-fasaala fi deribhum
17 wa ma yaʼarfu derib al-salaam.>
18 <Wa fi nufuushum,
ma induhum khoof min al-Rabb.>
19 Wa naʼarfu kadar ayyi cheyy al-maktuub fi l-Tawraat yihajji le ahal churuut al-Tawraat. Wa be misil da, ma fi naadum waahid al-yagdar yidaafiʼ le nafsah giddaam Allah. Wa khalaas kulla naas al-dunya yagoodu tihit hisaab Allah. 20 Achaan ma fi insaan yabga saalih giddaam Allah be tabbigiin churuut al-Tawraat. Be l-aks, al-churuut gaaʼidiin achaan beehum al-zanib yinʼarif.
Allah yisawwi al-naas saalihiin
21 Laakin hassaʼ Allah bayyan al-derib al-beyah hu yisawwi al-naas saalihiin giddaamah wa da ma be tabbigiin churuut al-Tawraat. Wa l-derib da, al-Tawraat wa kutub al-anbiya yachhado leyah. 22 Allah yajʼal al-naas saalihiin giddaamah be l-iimaan be Isa al-Masiih. Wa yisawwi nafs al-cheyy le kulla l-naas al-yiʼaamunu. Kulla l-naas sawa sawa 23 achaan kulla l-naas aznabo wa be da, ma yagdaro yalhago majd Allah. 24 Laakin Allah yisawwi kulla l-naas saalihiin be l-niʼma al-yantiiha leehum bala taman, be Isa al-Masiih al-fadaahum min zunuubhum. 25 Allah gaddam al-Masiih misil dahiiye achaan dammah yamha zunuub al-naas al-yiʼaamunu beyah. Wa be misil da, Allah wassaf kadar hu daayman aadil. Fi l-zaman al-faat, Allah ma haasab al-muznibiin be sabab sabrah al-aziim. 26 Wa fi l-zaman al-haali, hu wassaf be l-dahiiye di kadar hu aadil. Aywa, hu aadil wa ayyi naadum al-yiʼaamin be Isa, hu yisawwiih saalih.
27 Wa kan bigi misil da, al-insaan indah hagg yistakbar walla ? La, ma indah hagg waahid kula. Maala ma yagdar yistakbar ? Achaan hu ma yabga saalih be amalah, illa be iimaanah. 28 Khalaas nuguulu be kalaam saabit kadar naadum yabga saalih giddaam Allah be sabab iimaanah bas wa ma be tabbigiin churuut al-Tawraat.
29 Wa Allah, hu Rabb al-Yahuud wiheedhum walla ? Wa l-naas al-aakhariin hu ma Rabbuhum walla ? Akiid, hu Rabb kulla l-umam. 30 Achaan Allah waahid. Wa hu yisawwi al-Yahuud saalihiin be sabab iimaanhum. Wa yisawwi al-ma Yahuud kula saalihiin be sabab iimaanhum, sawa sawa. 31 Wa be misil da, hal baddalna marra waahid churuut al-Tawraat be l-iimaan walla ? La, abadan. Be l-aks, aniina sabbatna churuut al-Tawraat.
V. 1-8: cf. Ro 9:4-21. Mt 3:8-10.
1 Quel est donc l’avantage des Juifs, ou quelle est l’utilité de la circoncision? 2 Il est grand de toute manière, et tout d’abord en ce que les oracles de Dieu leur ont été confiés. 3 Eh quoi! Si quelques-uns n’ont pas cru, leur incrédulité anéantira-t-elle la fidélité de Dieu? 4 Loin de là! Que Dieu, au contraire, soit reconnu pour vrai, et tout homme pour menteur, selon qu’il est écrit:
Afin que tu sois trouvé juste dans tes paroles,
Et que tu triomphes lorsqu’on te juge. 5 Mais si notre injustice établit la justice de Dieu, que dirons-nous? Dieu est-il injuste quand il déchaîne sa colère? (Je parle à la manière des hommes.) 6 Loin de là! Autrement, comment Dieu jugerait-il le monde? 7 Et si, par mon mensonge, la vérité de Dieu éclate davantage pour sa gloire, pourquoi suis-je moi-même encore jugé comme pécheur? 8 Et pourquoi ne ferions-nous pas le mal afin qu’il en arrive du bien, comme quelques-uns, qui nous calomnient, prétendent que nous le disons? La condamnation de ces gens est juste.
V. 9-20: cf. (Ec 7:20. Job 15:14-16. Ge 6:5, Ge 11, Ge 12. Ps 14:1-3.) Ga 3:22.9 Quoi donc! Sommes-nous plus excellents? Nullement. Car nous avons déjà prouvé que tous, Juifs et Grecs, sont sous l’empire du péché, 10 selon qu’il est écrit:
Il n’y a point de juste,
Pas même un seul;
11 Nul n’est intelligent,
Nul ne cherche Dieu;
Tous sont égarés, tous sont pervertis;
12 Il n’en est aucun qui fasse le bien,
Pas même un seul;
13 Leur gosier est un sépulcre ouvert;
Ils se servent de leurs langues pour tromper;
Ils ont sous leurs lèvres un venin d’aspic;
14 Leur bouche est pleine de malédiction et d’amertume;
15 Ils ont les pieds légers pour répandre le sang;
16 La destruction et le malheur sont sur leur route;
17 Ils ne connaissent pas le chemin de la paix;
18 La crainte de Dieu n’est pas devant leurs yeux.
19 Or, nous savons que tout ce que dit la loi, elle le dit à ceux qui sont sous la loi, afin que toute bouche soit fermée, et que tout le monde soit reconnu coupable devant Dieu. 20 Car nul ne sera justifié devant lui par les œuvres de la loi, puisque c’est par la loi que vient la connaissance du péché.
La justification par la foi en Jésus-Christ
V. 21-30: cf. És 53:11. Ac 10:43. 2 Co 5:21. Ga 2:15, Ga 16Ga 3:8-14, Ga 22-29. Ép 2:7-9.21 Mais maintenant, sans la loi est manifestée la justice de Dieu, à laquelle rendent témoignage la loi et les prophètes, 22 justice de Dieu par la foi en Jésus-Christ pour tous ceux qui croient. Il n’y a point de distinction. 23 Car tous ont péché et sont privés de la gloire de Dieu; 24 et ils sont gratuitement justifiés par sa grâce, par le moyen de la rédemption qui est en Jésus-Christ. 25 C’est lui que Dieu a destiné, par son sang, à être, pour ceux qui croiraient, victime propitiatoire, afin de montrer sa justice, parce qu’il avait laissé impunis les péchés commis auparavant, au temps de sa patience, afin, dis-je, 26 de montrer sa justice dans le temps présent, de manière à être juste tout en justifiant celui qui a la foi en Jésus. 27 Où donc est le sujet de se glorifier? Il est exclu. Par quelle loi? Par la loi des œuvres? Non, mais par la loi de la foi. 28 Car nous pensons que l’homme est justifié par la foi, sans les œuvres de la loi. 29 Ou bien Dieu est-il seulement le Dieu des Juifs? Ne l’est-il pas aussi des païens? Oui, il l’est aussi des païens, 30 puisqu’il y a un seul Dieu, qui justifiera par la foi les circoncis, et par la foi les incirconcis.
La justification par la foi d’accord avec l’Écriture: exemple d’Abraham
3 v. 31 à 4 v. 12: cf. (Ge 15:5, 6; 17:9, etc.) Ga 3:6-9, 29. Ps 32.31 Anéantissons-nous donc la loi par la foi? Loin de là! Au contraire, nous confirmons la loi.
