Buulus yilfachchar be duʼufah
1 Al-fachaar da ma indah faayde laakin kan laabudda nilfachchar, nihajji be l-ruʼya wa l-asraar al-Allah kachafaahum leyi. 2 Ana naʼarif muʼmin waahid be l-Masiih wa yoom waahid, gabul 14 sana, hu anrafaʼ lahaddi l-sama fi l-aali. Kan anrafaʼ be jismah walla bala jismah, da ma naʼarfah. Illa Allah wiheedah bas yaʼarfah. 3-4 Wa ana naʼarif kadar al-naadum da anrafaʼ fi l-Janna. Kan be jismah walla bala jismah, da ma naʼarfah. Illa Allah wiheedah bas yaʼarfah. Wa hu simiʼ asraar faaytiin fikir al-naas wa ma fi insaan indah izin yihajji beehum.
5 Wa fi chaan naadum misil da, nilfachchar laakin fi chaani ana, ma nilfachchar illa nihajji be duʼufi. 6 Wa kan nilfachchar kula, ana ma naadum al-ma indah fikir achaan kalaami sahiih. Laakin naaba ma nilfachchar achaan ma nidoor ayyi naadum yifakkir foogi cheyy ziyaada min al-chaafah fi khidimti be eenah wa simʼah minni be adaanah.
7 Akiid, ana chift ruʼya ajiibe bilheen wa Allah ma yidoor ana nistakbar be sababha. Wa achaan da, Allah antaani cheyy waahid al-gaaʼid yitaʼʼibni misil chook fi lahami wa misil mursaal hana l-Cheetaan al-gaaʼid yuduggini. Wa antaani al-taʼab da achaan ma nistakbar. 8 Wa talaata marraat, ana daʼeet Rabbina Isa wa chahadtah achaan yarfaʼah minni. 9 Wa laakin hu radda leyi wa gaal : «Rahmati takfi leek. Gudurti tabga kaamile fi l-naadum al-daʼiif.» Achaan da, nilfachchar be farah ziyaada wakit ana daʼiif achaan gudrat al-Masiih tasbit foogi. 10 Achaan da, ana nafrah wakit ana daʼiif wa wakit yiʼayyuruuni wa yitaʼʼubuuni wa yiʼazzubuuni wa yidaayuguuni fi chaan ana gaaʼid nitaabiʼ al-Masiih. Achaan wakit ma indi gudra, fi l-bakaan da bas, al-gudra tagood foogi.
11 Khalaas, ana hajjeet leeku misil naadum al-ma indah fikir. Intu lazzeetuuni achaan nuguul al-kalaam da. Wa intu bas al-naas al-waajib yikarrumuuni achaan ana ma sakhayyar be ayyi cheyy min al-rusul al-intu tuguulu humman kubaar, kan ana naadum ma naafiʼ kula. 12 Intu chiftu al-daliil al-yisabbit kadar ana rasuul wakit khadamt fi usutku. Chiftu al-sabur al-gawi wa l-alaamaat wa l-ajaayib wa amal Allah. 13 Hal ligiitu minni faayde chiyya naagse min al-faayde al-ligooha minni jamaaʼaat al-muʼminiin al-fi bakaanaat al-aakhariin ? Daahu cheyy waahid bas ana ma sawweetah wa hu, ana ma kallaftuku be kulla cheyy al-nihtaaj leyah. Wa da jariime. Saamuhuuni !
Al-ziyaara al-taalta
14 Khalaas, daahuuni jaahiz namchi leeku taalit marra. Wa ana ma nabga leeku tagiil achaan al-nidoorah ma maalku, nidoorku intu. Achaan al-iyaal ma yudummu maal fi chaan waaldeenhum. Al-waaldeen bas waajib yudummu maal fi chaan iyaalhum. 15 Wa fi chaanku intu, nanti be farah kulla cheyy al-indi wa nanti nafsi fi chaanku battaan. Kan nihibbuku katiir, hal intu tihibbuuni chiyya walla ?
16 Khalaas, tuguulu sahiih ana ma kallaftuku be kulli cheyy al-nihtaaj leyah. Laakin waahidiin yuguulu ana najiid wa akaltuku be najaada. 17 Wa hal chilt minku cheyy be waasitat al-akhwaan al-ana rassaltuhum leeku walla ? 18 Ana talabt min Tiitus achaan yamchi leeku wa rassalt maʼaayah al-akhu al-aakhar. Wa hal Tiitus chaal cheyy minku be khachch walla ? La ! Haalah wa haali sawa wa aniina khadamna be nafs al-tariiga.
19 Akuun intu tuguulu fi guluubku fi tuul al-wakit da aniina nidaafuʼu le nufuusna giddaamku. La ! Ma ke. Nihajju leeku be usum al-Masiih giddaam Allah. Ya akhwaani al-nihibbuuku, kulla cheyy al-sawweenaah da, hu fi chaanku bas achaan iimaanku yabga gawi. 20 Wa hassaʼ ana khaayif achaan wakit najiiku, intu ma tukuunu misil ana nidoorah wa ana kamaan ma nukuun misil intu tidooruuh. Akuun nalga ambeenaatku al-huraaj wa l-husud wa l-zaʼal wa l-mukhaasama wa l-bakhaada wa l-guwaale wa l-istikbaar wa l-barjaal. 21 Akuun wakit najiiku, Allah yijiib leyi battaan al-eeb giddaamku. Wa nahzan fi chaan al-naas al-katiiriin al-awwal aznabo wa ma taabo min al-haal al-khabiise wa l-zina wa l-fasaad al-awwal sawwoohum.
Némḭdije gə́ Mbaidɔmbaije riba dəa ar Pool lé
1 To kəm kam m’ti rɔm yaa̰ ya. Yee ɓa to né gə́ to sur el. Nɛ lé bèe kara m’a teḛ ne dɔ némḭdije gə néje gə́ to loo-kiya’g gə́ Mbaidɔmbaije riba dɔ dee am m’oo lé. 2 Ma m’gər diŋgam kára gə́ ɔm na̰’d gə Kristi lé ndá mee ləb dɔg-giree-sɔ gə́ dəs lé né unee ŋgə̰dərə uru səa mee dara gə́ njekɔm’g munda lé. Ɓó lé gə darəa bura əsé darəa nai naŋg ŋga ndilee ɓa teḛ aw ɓəi, yee ɓa, ma m’gər bèe el, Ala nja ɓa gər. 3 Diŋgam neelé né unee gə darəa bura əsé darəa nai naŋg ŋga ɓa ndilee teḛ aw ɓəi kara ma m’gər el, Ala ɓa gər. 4 Ma nja m’gər gao, né unee ŋgə̰dərə saar aw uru səa paradis ndá yeḛ oo ta gə́ dumkoo keneŋ gə́ dəw askəm pa taree el lé. 5 M’a ti rɔm dɔ diŋgam neelé tɔgərɔ ya nɛ ma lé gə dɔrɔm ndá m’a ti ne rɔm el nɛ nérəmje ɓa m’a ti ne rɔm dɔ dee’g ɓa. 6 Ɓó lé ma m’ndigi ti rɔm ndá m’a to asəna gə dəw gə́ ndilee igee lé el mbata m’a pa kankəmta. Nɛ ma m’ɔg rɔm dɔ’g mba kar dəw kára kara oom gə́ dəw gə́ boo ur dɔ né gə́ yeḛ oo rɔm’g əsé ta gə́ yeḛ oo wɔji ne dɔm’g lé el.
7 Tɔɓəi gə mba kam m’beelé m’ti ne rɔm mbata lə néje gə́ dumkoo gə́ to loo-kiya’g gə́ deḛ riba dɔ dee’g d’am m’oo lé el ndá d’ar kun ɔs ne dakasrɔm, yee ɓa to njekula lə Njekurai gə a gə kɔsm ta-ta mba kɔgm ne loo ti ne rɔm mugugu-mugugu ya. 8 As gɔl munda, ma m’ra ndòo rɔ Mbaidɔmbaije’g mba karee ɔs kun neelé rɔm’g ɔr unda ila kɔrɔ nu ya. 9 Ndá yeḛ ilam keneŋ pana: Meenoji ləa a kasm nag ya, mbata siŋgamoŋ ləa a kɔr dɔ loo rəm’g ləm njal ya. Yen ɓa m’a kḭ gə́ rɔm ti ne rɔm dɔ nérəmje’g ləm mba kar siŋgamoŋ lə Kristi nai ne rɔm’g. 10 Gelee gə́ nee ɓa, m’isi gə məəm gə́ kulɔm dan rəm’g lé ləm, gə dan tajikil gə́ deḛ tajim ləm, gə dan némeeko̰ gə́ ram’g lé ləm, gə dan kəm gə́ deḛ d’ula ndòo’g ləma, gə dan néyooje gə́ d’aḭ dɔm sub ləm tɔ, yee ɓa to néram gə mba Kristi, mbata loo gə́ m’isi loo rəm’g lé kara yen ɓa, ma m’tel m’to ne njesiŋgamoŋ ya.
11 Ma m’pa tapa dəw gə́ ndilee igee. Nɛ to seḭ nja gə́ ɔsmje ɓɔḭ-ɓɔḭ mba karm m’ra togə́bè. To ta lə sí gə mba pidim ya mbata ɓó lé ma m’to gə́ né el kara deḛ njékaḭkulaje gə́ to dəwje gə́ boo lé deḛ dum ma gə né kára kara el. 12 Néramje gə́ d’ɔr gin rɔm to gə́ ma m’to njekaḭkula gə́ gəd lé nduba rɔ dee gə́ raga kəm sí’g d’ar sí ooje loo gə́ m’ai məəm sam-sam dan né gə́ rara gə́ naam lé ləm, m’ra nédumkooje gə nésiŋgamoŋje, gə némɔrije ləm tɔ. 13 See ri ɓa ma m’ra gə Eglisəje gə́ raŋg maji unda sí-seḭ lé wa. Ndoo né gə́ ram ɓa m’aw kabee ji dee’g nɛ m’aw kabee ji sí-seḭ’g el. Ɓó lé seḭ ooje gə́ né gə́ dana el gə́ m’ra sə sí ndá maji kar sí arje meḛ sí ti mbidi dɔm’g.
14 Aa ooje, as gɔl munda ɓasinè, ma m’wa dɔ gɔl rɔm gə mba kaw rɔ sí’g ndá ndòo né gə́ ram lé ɓa m’a gə kaw kabee ji sí’g el, mbata darɔ sí ɓa m’aw kabee ɓó gə mba nékiŋga lə sí ɓa el. Tɔgərɔ ya, to ta lə ŋganje ɓa gə mba mbo̰ nébaoje kar njékoji deeje el, nɛ to ta lə njékoji deeje ɓa gə mba mbo̰ nébaoje gə mba kar ŋgan deeje. 15 Ma lé m’a kḭ gə məəm mba tuji néje ləm gə mbata lə sí ləm, darɔm ya kara m’a tujee gə mbata lə kankəmrɔ sí ləm tɔ. Ɓó lé ma m’unda sí dan kəm’g yaa̰ bèe lé see yee nja a kar goo ndigi gə́ seḭ ndigimje lé a yɔr ne wa.
16 Oiyo, ndòo né gə́ ram lé m’aw kabee ji sí’g el, nɛ ma dəw gə́ njegoso lé goso ləm ɓa ma m’taa sí ne! ... 17 Deḛ gə́ ma m’ula dee rɔ sí’g lé see yee ɓa ma m’taa ne né ɓa ji sí’g wa. 18 Ma m’ra ndòo rɔ Titə’g gə ŋgoko̰ sí kára gə́ m’ulá səa na̰’d mba kar dee d’aw d’oo sí lé. See Titə taa né lə sí ji sí’g wa. See jeḛ səa gə́ n’to njéboalookawje gə́ na̰’d lé see meḛ síjeḛ səa as na̰ el wa. See jeḛ səa j’un dɔ gɔl na̰ lad-lad el wa.
19 Ləw ba saar ɓasinè, seḭ ə̰jije meḛ sí’g pajena: Jeḛ lé n’saŋg loo gə mba taa rɔ sí ɓa ji sí-seḭ’g. Jeḛ lé j’ɔm na̰’d gə Kristi ɓa jeḛ m’pata nee no̰ Ala’g ɓa. Seḭ gə́ m’unda sí dan kəm’g lé jeḛ m’pata néje neelé mba kunda ne siŋga sí dɔ maree’g. 20 Mbata məəm to kərm mbata m’ə̰ji məəm’g m’pana: Loo gə́ m’a gə teḛ dɔ sí’g ndá m’a kiŋga sí to gə́ məəm wɔji lé el ləm, seḭje kara seḭ a kiŋgamje to gə́ meḛ sí-seḭ wɔji lé el ləm tɔ. Meem to kərm nà banelə m’a kiŋga takɔl ləm, gə kəmkəḭ ləm, gə ba̰ ta ləm, gə ta tḭ-na̰ ləm, gə kunda nani ləm, gə kunda ta ta na̰’g ləm, gə kəsta ləma, gə panjaa gə́ kori-kori gə́ ɓəd-ɓəd ləm tɔ lé mbuna sí’g. 21 Meem to kərm nà loo gə́ m’a teḛ dɔ sí’g lé Ala a kila rɔkul dɔm’g gə mbata lə sí ya tɔɓəi ləm, m’a gə no̰-no̰ njé gə́ na̰je gə́ d’oso dan kaiya’g ɓa d’wa ne ndòo rɔ dee dɔ mɔdkaiya’g gə kəmnda gə néraje gə́ kori-kori gə́ d’ula rɔ dee keneŋ lé el ɓəi ləm tɔ.
