Ɓǝ cuu tǝ ɓǝ juupelle
1 Kǝpel ah daŋ me lai we, ka we fii Masǝŋ, ne juupelle, ne pǝǝre, tǝkine joŋ osoko nyi ko mor za daŋ. 2 We juupel mor za goŋe, tǝkine za mai ara mo pǝ cok yǝk daŋ, mor ka na kaa 'wa ne jam ne ɗuu Masǝŋ tǝkine syel masãhe. 3 Mor ɓǝ ah a pǝsãhe, a 'nyah suu Masǝŋ pa ǝ̃ǝ mana, 4 mai mo tǝ 'yah ka za daŋ mo ǝ̃ǝra, so ka mo tǝra goŋga. 5 Mor Masǝŋ a vaŋno, pafah ma zyeɓ ɓǝ kǝsyil dǝfuu ne Masǝŋ a vaŋno ta, ako Yesu Kristu 6 mai mo nyi suu ah mor ka soo tǝ za ka wǝǝ ra daŋ. Syedowal ah ge joŋ ɓo ne cok ah mai mo kan ɓo, ɓǝ ah cuu ɓo Masǝŋ 'yah ka za daŋ mo ǝ̃ǝra. 7 Mor ah Masǝŋ kan me na pa faa ɓǝ ah ne papee ka me cuu ɓǝ iŋ tǝkine goŋga nyi za mai mo ye ka Yahuduen a. Me ka tǝ gwah ber a, me tǝ faa goŋga.
8 Me 'yah ne cok daŋ za wǝǝ mo tǝ juura pel ɓe, ka mo woora jol ge sǝŋ ne zahzyil matǝ goŋga, ma bai kpãhe, ne ma bai syelle.
9 Nai ta, me 'yah ŋwǝǝ mo ɓaara mbǝro ma ne fahlii, ne yella tǝkine swãare, mo gbǝra ɓǝ yǝk gai zyeɓ rĩi magaɓ ah camcam ka, wala ne fãi ma vãm kaŋnyeeri, wala fãi makolle, koo ne fan wo suu ma lee gaɓ ah ka. 10 Amma mo joŋra yeɓ masãhe, tǝgbana ŋwǝǝ ma ɗuu Masǝŋ moo joŋra. 11 Sai ŋwǝǝ mo feera ɓǝ ah ne zah tǝmgbuu tǝkine won suu tǝɗe'. 12 Me ka nyi fahlii nyi ŋwǝǝ ka mo cuura fan wala ka yea ne swah tǝ za wǝǝr a, sai mo kaara 'wa. 13 Mor Masǝŋ joŋ Adam kǝpelle, fahfal ah so joŋ Ewa ba. 14 Mor Satan zyak Adam ya, amma zyak madǝwinni, Ewa, laa zah Masǝŋ ya. 15 Amma madǝwin a ga ǝ̃ǝ ne byak weere, sai mo yeako ne iŋni, ne 'yahe, bai ɓǝɓe', tǝkine joŋ fan masãhe.
© Bible Moundang © Alliance Biblique du Tchad, 1996.
