Juupel ma mor fii gbah jolle
1 Lǝŋ ma ɗǝǝ ne ga gwǝǝ yaŋ Jerusalem
Ne cok me pǝ bone, me yeyee wo Dǝɓlii,
So zyii zah ɓe.
2 Dǝɓlii, mo ǝ̃ǝ me wo za berre ne za matǝ vǝrvǝrri.
3 Awe za berre, Masǝŋ ga joŋ we ɗǝne?
4 A ga ŋgoŋ kiita tǝ ɓii pǝ'manne.
A ga jwǝǝ we ne guu,
So a ga syak we ne wii.
5 Kaa kǝsyil ɓii a pǝɓe' tǝgbana dǝɓ mo kaa Mesek wala dǝɓ mo kaa kǝsyil za Kedar.
6 Ame nǝn kǝsyil za mai moo syiŋra kal tǝ jam.
7 Ne cok me tǝ faa ɓǝ jam,
Ma ɓǝǝ a faara ɓǝ ruu salle.
© Bible Moundang © Alliance Biblique du Tchad, 1996.
