Masǝŋ goŋ yo
1 Dǝɓlii ye goŋe.
Sǝrri, mo laa pǝ'nyahre.
Kyo ma kǝsyil mabii daŋ, we laa pǝ'nyahre.
2 Swãh ne cokfuu ryaŋra ko ɓo,
Kaa goŋ ɓo ne zahzyil pǝfãi.
3 Wii tǝ syee pel ahe,
A syen za syiŋ ah ma kah ah ra daŋ.
4 A pee sãh bam sãh tǝ sǝr ne lii ah daŋ.
Za sǝr mo kwora ɓe, a ɗuura galle.
5 Waa hǝǝra pel Dǝɓlii fan daŋ tǝgbana mǝŋgǝ̃ǝ moo hǝǝ tǝ wii.
6 Fan coksǝŋ daŋ cuu goŋga ahe,
Za sǝr daŋ tǝ kwanra yǝk ahe.
7 Swãa mo re za daŋ mai moo juura pel wo masǝŋ ki ra,
Mor a yiira suu pel fan kolle.
Masǝŋ ki ra daŋ mo keara sǝŋ pel Dǝɓlii.
8 Dǝɓlii, za yaŋ Sion tǝkine sǝr
Yuda daŋ tǝ laara pǝ'nyah mor mo ŋgoŋ kiita njaŋ.
9 Dǝɓlii mayǝkki, mo kaa goŋ ɓo tǝ sǝr daŋ,
Amo kal masǝŋ ki ra daŋ.
10 Awe za mai we tǝ 'yah Dǝɓlii, we syiŋ ɓǝɓe'.
A byak zan ahe,
A wǝǝ ra gin jol za maɓeare.
11 Cokfãi a sǝǝ tǝ za matǝ njaŋ,
Ɓǝ 'nyah a gin wo za matǝ goŋga.
12 Awe za matǝ njaŋ, we laa pǝ'nyah ne ɓǝ fan mai Dǝɓlii mo joŋ daŋ,
We joŋ osoko nyi Dǝɓ matǝdaŋdaŋ mor ɓǝ ahe.
© Bible Moundang © Alliance Biblique du Tchad, 1996.
