Reba laa zah Dǝɓlii
1 Lǝŋ ma ɗǝǝ ne ga gwǝǝ yaŋ Jerusalem.
A pǝ'nyah wo za mai moo ɗuura Dǝɓlii tǝkine syeera mor ɓǝ faa ahe.
2 We ga lwaa fan ka gbah jol suu ɓii ne ko,
We ga laa pǝ'nyah tǝkine kaa jam.
3 Ŋwǝǝ ɓii ga yea ɓǝr yaŋ ɓii tǝgbana lee kpuu ma renne,
Wee ɓii mai moo renra farel ne we a ga yeara tǝgbana kpuu tǝbaakãm macuuri.
4 Dǝɓ mai moo ɗuu Dǝɓlii, a ga yea nai ryakryak.
5 Dǝɓlii mai mo tǝwaa Sion mo ẽe we,
Ka pǝ zah'nan cee ɓo daŋ mo kwo jam yaŋ Jerusalem,
6 Ka mo kyaŋ mo lwaa kwo wee na ɓo.
Jam mo yea tǝ za Israel!
© Bible Moundang © Alliance Biblique du Tchad, 1996.
