Soɓ suu wo Dǝɓlii
1 Lǝŋ David.
Me soɓ suu ɓe wo Dǝɓlii,
Me ɗuu ge muŋ ɓo wol ahe.
Awe pǝtǝgwĩi ɗii ne?
Awe faa nyi me: Mo ɗuu ge tǝwaa tǝgbana juu,
2 Mor za ɓea a kanra guu ga tǝ saŋ ɓǝǝra, a woora lii dǝɓ matǝ njaŋ ne ga pǝ cok mafuu ah ka dan ko.
3 Awe so faa: Ɓǝ lai mo ɓeɓ pǝ sǝr ɓe, za matǝ njaŋ ka gak joŋra fan ki ya.
4 Amma Dǝɓlii no kaa ɓo pǝ yaŋ ahe,
Fakal ah a coksǝŋ,
A ẽe za daŋ gin sǝŋ,
Tǝ fan mai mo tǝ joŋra daŋ.
5 A lii ɓǝ za masãh ah tǝkine mǝ za maɓea ahe.
A syiŋ ɓǝ za ma bai zyii syee mor ɓǝ lai pǝ zahzyil ah kpǝtǝtǝǝ.
6 A vǝl yakwii tǝkine sulfer gin tǝ za maɓeare,
A ŋgoŋ kiita tǝ ɓǝǝ ne pee zyak macwak ah gin tǝtǝl ɓǝǝra.
7 Dǝɓlii a njaŋ,
A 'yah za ma joŋra fan sãhe,
Za mai moo laara zah ah a ga kaara ne ki.
© Bible Moundang © Alliance Biblique du Tchad, 1996.
