PƏ̃Ə ZA ISRAEL 33 - Bible Moundang (MUA)

Dǝɓlii faa za Israel mo zolra gin kah waa Sinai

1 Dǝɓlii faa nyi Mosus: Mo gyo, mo zol gin nyee ne za mai mo pǝ̃ǝ ne ra gin sǝr Egiɓ, we ge tǝ sǝr mai me haa zah nyi Abraham, Isak tǝkine Yakuɓ, me faa me ga nyi nyi morsǝ̃ǝ ɓǝǝra. 2 Me ga pee angelos ga pel ɓiiri, me ga nĩi Kanaanien, Amorien, Hetien, Perisien, Hevien, tǝkine Jebusien 3 tǝ sǝr masãh ma joŋ fan lii ko. Amma me ka ga yea tǝgǝǝ ɓii ya, mor awe ye za tǝtǝl yakke, maki me ik we tǝ fahlii.

4 Ne cok za Israel mo laara ɓǝ magaɓ naiko, yera yee. Koo dǝɓ vaŋno ma ɓaa fan gai ah ra ga wo suu kǝka. 5 Mor Dǝɓlii faa nyi Mosus kǝpelle: Mo faa nyi za Israel: Awe ye za tǝtǝl yakke, me kal dan ge kǝsyil ɓii tǝgbana daa nǝn to laŋ, maki me ga ik we. Zǝzǝ̃ǝko we wǝǝ fan gai wo suu ɓii ge lalle, me ga tǝ fan mai mee ga joŋ ne we. 6 So za Israel hǝǝ wǝǝra fan gai ɓǝǝ gin wo suu ge lalle, ka ɓaara yao.

Ɓǝ tal mbǝro ma taini

7 Ne cok kyãh ɓǝǝ, Mosus a gaa tal mbǝro ma tai fahfal cok ɗǝr pǝɗǝkki. A ɗiira ne tal mbǝro ma taini. Koo zune daŋ mo tǝ 'yah fii Dǝɓlii a pǝ̃ǝ gin wo tal mbǝro ma taini. 8 Ne cok fẽene daŋ Mosus mo tǝ pǝ̃ǝ ga pǝ tal mbǝro ma taini, za daŋ ur uu sǝŋ ne ɓal zah tal mbǝro swul ɓǝǝra, a ẽera fahfal Mosus ŋhaa a dan ga pǝ tal mbǝro ma taini. 9 Ne cok fẽene daŋ Mosus mo dan ge pǝ tal mbǝro ɓe, waddǝǝ swãh bam ɗǝr gin uu zahfah tal mbǝro, Dǝɓlii a faa ɓǝ ne Mosus gŋ. 10 So za daŋ mo kwora waddǝǝ swãh bam mo uu ɓo zahfah tal mbǝro ma taini, a keara ga sǝŋ. 11 Dǝɓlii a uu pel Mosus faa ɓǝ ne ki tǝgbana dǝɓ moo faa ɓǝ ne bai ahe, so Mosus a pii soo gin zahjulli. Amma we tǝbanna Joswa dǝɓ yeɓ ah we Hur ka soɓ cok gin zah tal mbǝro ya.

Dǝɓlii faa zye ga syee ne za Israel

07 versets bibliques à lire avant de dormir

La journée touche à sa fin. Avant de vous endormir, prenez un moment pour lire la parole de Dieu. Priez. Évoquez ce dont vous êtes reconnaissant, vos soucis, et priez pour que Dieu vous bénisse pendant que vous vous endormez. Laissez le stress de la journée et les soucis entre les mains de Dieu. Il vous donnera la paix. Il peut y avoir beaucoup de choses autour de nous dans notre vie, avec notre maison, notre travail, notre famille, le stress, les soucis et la peur. Croyez que Dieu veut que vous ayez un bon sommeil. Nous pouvons mieux faire face à n’importe quel défi si nous sommes bien reposés. Faites confiance à Dieu pour vous conduire au repos, à la paix, à la force et à l’énergie renouvelées. Dieu veut notre bien. Confiez votre chemin à Dieu. Lorsque nous sommes guidés par lui, nous pouvons laisser tomber nos soucis. Au lieu de vous inquiéter de ce qui peut ou ne peut pas arriver demain, priez Dieu pour que sa volonté soit faite. Avant de dormir, il est bon de prendre le temps de lire la Bible et de prier Dieu. Cela satisfait notre âme. Dieu est avec vous. Si vous ne connaissez pas la présence de Dieu, cherchez-le de tout votre cœur. Soyez en paix dans la présence de Dieu. Dieu est un Dieu généreux. Que sa paix, son repos et son amour vous accompagnent en abondance.

Plus

12 Mosus faa nyi Dǝɓlii: Mo laa ɗao, mo tǝ faa nyi me, me ge ne za nyẽeko, mo so cuu dǝɓ mai moo ga pee ga ne me nyi me ya. Ne ko daŋ mo faa mo tǝ me na fan ɓo, ame pǝsãh wo ɓo. 13 Amma zǝzǝ̃ǝko me pǝsãh wo ɓo ɓe, mo cuu ɓǝ foo ɓo ra nyi me, ka me tǝ mo, me joŋ yeɓ ɓo, me joŋ fan ma 'nyah suu ɓo. Mo foo ɗao, zahban mai amo ye nǝǝ ra ka ciŋ za ɓo. 14

Masǝŋ zyii faa: Me ga ne mo ne suu ɓe, mo ka ga swaa ɓǝ ya. 15 Mosus so zyii faa: Mo ge ne ru ne suu ɓo ya ɓe, mo soɓ ru zol gin cok mai ɗǝ ka. 16 Dǝɓ tǝ ne fẽe ame tǝkine za ɓo rai daŋ mo joŋ gboŋgboŋ ɓo wo ɓuu ne? Ako ye ka syel ɓo moo syee ne ru ŋhaa ka mo joŋ ru cam ne za ki mo no wo sǝr sye ya ne?

17 Dǝɓlii faa nyi Mosus: Fan mai mo fii me tǝl ah daŋ me ga joŋ, mor me tǝ mo ɓo pǝsãhe, me laa pǝ'nyah ne mo. 18 Mosus so faa nyi ko: Oseni mo cuu cokfãi ma cuu yǝk ɓo nyi me ɗao. 19 Dǝɓlii zyii faa: Me ga pǝ̃ǝ pel ɓo ne cuu yǝk ɓe nyi mo, me ga cuu tǝɗii ɓe Dǝɓlii nyi mo ta, me ga joŋ bǝ̃ǝ wo dǝɓ mai me 'yah joŋ bǝ̃ǝ wol ahe, me ga kwo syak tǝ dǝɓ mai me 'yah kwan syak tǝl ahe. 20 So faa: Me ka soɓ mo kwo zahpel ɓe ya, mor dǝɓ ka kwan me ka mo so yeako ne cee ya. 21 Dǝɓlii faa: Cok no kah ɓe nyeeno, mo uu tǝ pǝɗakka. 22 Ne cok mai cokfãi ma cuu yǝk ɓe moo gin pǝ̃ǝ, me ga kan mo pǝ yii pǝɗakka, me ga rii zah ɓo ga gŋ ne jol ɓe, ŋhaa ka me pǝ̃ǝ kalle, 23 ka me ge ɓaŋ jol ɓe gur ɓe, mo ga kwo fah kǝfal ɓe, amma mo ka ga kwo kǝpel ɓe ya.