Na yii Dǝɓlii
1 Na yii Dǝɓlii!
Na yii Dǝɓlii pǝ yaŋ ahe.
Na yii swah ah ma coksǝŋ.
2 Na yii ko mor yeɓ maluu ah mo joŋko.
Na yii yǝk ah malii mo ne ko.
3 Na ul kokõorĩi yii ko ne ko.
Na woŋ tǝnjuŋ ne tǝnjuŋ zahrãa yii ko ne ko.
4 Na woŋ yuŋ dǝdaa yii ko ne ko.
Na yii ko ne tǝnjuŋ tǝkine jakle.
5 Na woŋ koŋkeere yii ko ne ko.
Na woŋ koŋkeere yii ko ne pǝ'manne!
6 Fan ma ne cee daŋ, we yii Dǝɓlii!
Na yii Dǝɓlii
© Bible Moundang © Alliance Biblique du Tchad, 1996.
