Juupel dǝɓ mai mo pǝ cok mowoo ahe
(Lǝŋ 42 ga pelle)1 Masǝŋ, mo joŋ me na dǝɓ ma bai faɓe',
Mo byak me wo za ma bai Masǝŋ,
Mo wǝǝ me jol za ma gwah ber ne za maɓe'.
2 Amo ye pa byak ɓe,
Mo soɓ me ɓoo ɓo mor fẽene?
Mo soɓ me ga pǝ bone mai za syiŋ ɓe moo cuura nyi me mor fẽene?
3 Mo pee cokfãi ɓo tǝkine goŋga ɓo ka mo syeera ne me ge dai tǝwaa ɓo Sion matǝdaŋdaŋ pǝ yaŋ ɓo mai mo kaa ɓo gŋ.
4 Nai ɓe, me ga pǝ cok joŋ syiŋ ɓo Masǝŋ,
Mor amo ye joŋ me ɓo tǝ 'nyah suu tǝkine laa pǝ'nyahre.
Me ga woŋ tǝnjuŋ ɓe ɗǝǝ lǝŋ yii mo ne ko Masǝŋ ɓe.
5 Zahzyil ɓe, mo joŋ me swaa ɓǝ nai mor fẽene?
Byak fan ɓe ga uu tǝ Masǝŋ,
So me ga yii ko,
Ako ye pa ǝ̃ǝ ɓe ne Masǝŋ ɓe.
© Bible Moundang © Alliance Biblique du Tchad, 1996.
