Na yii Dǝɓlii mor ɓǝ sãh ahe
1 Na yii Dǝɓlii!
Awe za yeɓ Dǝɓlii, we yii tǝɗii ahe.
2 A ga yiira tǝɗii ah daga zǝzǝ̃ǝko ŋhaa ga lii.
3 A ga yiira tǝɗii Dǝɓlii daga morcomzah'nan ne morcomlil daŋ.
4 Dǝɓlii kaa goŋ ɓo tǝ za daŋ,
Yǝk ah kal yǝk ma coksǝŋ daŋ.
5 Dǝɓ ma na Dǝɓlii, Masǝŋ man kǝka,
Kaa ɓo tǝlǝǝ sǝŋ.
6 A ɗǝŋ gin sǝŋ ka ẽe masyiibam tǝkine sǝrri.
7 A nǝǝ pa syak gin pǝ vuuri,
A nǝǝ mabaidǝɓ gin pǝzyil ɓǝ swaa ɓǝǝra.
8 A joŋ ra ka mo kaara zahki ne za goŋ ma kǝsyil zan ahe.
9 A nyi yaŋ nyi masoore,
So a joŋ ko laa pǝ'nyah ne nyi wee nyi ko.
Na yii Dǝɓlii!© Bible Moundang © Alliance Biblique du Tchad, 1996.
