Juupel mai ka Masǝŋ mo byak dǝɓɓi
1 Lǝŋ David.
2 Masǝŋ, mo laa yee ɓe,
Mo laa juupel ɓe.
3 Ne cok me pǝɗǝk ne yaŋ, me tǝ swaa ɓǝ, me ɗii mo.
Mo ɓaŋ me mo ge muŋ me, mor amo ye pa byak ɓe,
4 Amo ye ɓaale ma byak ɓe pel za syiŋ ɓe.
5 Zah'nan cee ɓe daŋ mo soɓ me kaa ɓǝr tal mbǝro ɓo.
Mo soɓ me ɗuu muŋ mor yee ɓo.
6 Masǝŋ, amo laa ɓǝ gbanzah ɓe mai me gbǝ ɓo ne mo ɓe.
Amo nyi fan mai mo kan ɓo mor za mai mo tǝ ɗuura mo nyi me ɓe.
7 Masǝŋ, mo soɓ zah'nan cee goŋ nǝn wo sǝrri,
Mo nyi syii nyi ko pǝpãare.
8 Ka mo kaako goŋ pel ɓo ga lii ga lii.
Masǝŋ, mo byak ko ne 'yah ɓo tǝkine ɓǝ sãh ɓo.
9 So cẽecẽe me ga ɗǝǝ lǝŋ yii mo ne ko ne cok mai me tǝ joŋ syiŋ wo ɓo zah'nan daŋ ne fan mai me gbǝ zah ɓo ne ɓǝ ah ka nyi nyi mo.
© Bible Moundang © Alliance Biblique du Tchad, 1996.
