Juupel ma fii gbah jolle
1 Ɓǝ juupel David ne cok mai mo no pǝ yii.
2 Me yeyee ɗii Dǝɓlii ka mo gbahko jol ɓe,
Me pǝǝ ko pǝlli.
3 Ame kee ɓǝ nyee ɓe me tǝ kyãh tǝ ɓǝ gaɓ ɓe daŋ nyi ko.
4 Ne cok me kwo me ka gak fan ki ya, ako tǝ fan mai ka me gak joŋ ɓe.
Pǝ cok mai mee syee gŋ daŋ, za syiŋ ɓe lal saara mǝmmǝǝ ɓo ka ɓe.
5 Me ẽe cok kah ɓe,
Me kwo dǝɓ ma gbah jol ɓe ya.
Dǝɓ ma gbah jol ɓe kǝka,
Dǝɓ ma foo ɓǝ ɓe kǝka ta.
6 Dǝɓlii, me yeyee wo ɓo mor fii gbah jolle.
Dǝɓlii, amo ye pa byak ɓe,
Amo ye fan mai me ne 'yah ah pǝ zah'nan cee ɓe daŋ.
7 Mo laa yee ɓe me tǝ yee fii gbah jol ne ko,
Mor me ne ɓǝ swaa pǝlli.
Mo ǝ̃ǝ me jol za syiŋ ɓe mai ara mo pǝswah kal me ɓe.
8 Mo wǝǝ me jol zah gaɓ ɓe.
Nai ɓe, me ga yii mo pǝ cok tai za ɓo,
Mor mo joŋ me ɓo pǝsãhe.
© Bible Moundang © Alliance Biblique du Tchad, 1996.
