Zah sǝr mǝ ban Yuda
1 Ira cahcah tǝ ban Yuda tǝgbana pãa za yaŋ ɓǝǝra. Lwaara zah sǝr ma ɓǝǝ nǝfah kǝ zahsyee Edom ŋhaa ge dai kǝsyicok Zin nǝfah morkǝsǝŋ ah pǝɗǝkki. 2 Zahsyee ɓǝǝ ma fah morkǝsǝŋ pǝ̃ǝ zoo ge pǝ cok mai mabii Wul mo i zah ɓo gŋ, daga jol el ah soo ge fah morkǝsǝŋ. 3 Zahsyee ah pǝ̃ǝ zoo nǝfah morkǝsǝŋ pǝ cok mai mo yee ge Akrabim ŋhaa pǝ̃ǝ ge Zin, so yee ge fah morkǝsǝŋ Kades-Barnea pǝ̃ǝ ge dai Hesron. So yee zoo ge Addar so kiŋ ge dai Karka. 4 So zahsyee ah ur gin gŋ ge Asmon so pǝ̃ǝ ge dai el Egiɓ, zahsyee ɓǝǝ ma fah morkǝsǝŋ i zah ɓo ne mabii Mediterrania.
5 Zahsyee ma fah kǝmorcomzah'nan a ne mabii Wulli, ŋhaa ge dai pǝ cok mai el Yordan mo ge i zah ɓo gŋ.
Zahsyee ah ma fahsǝŋ laŋ tǝŋ daga zahkǝndaŋ mabii ŋhaa ge dai pǝ cok mai el Yordan mo ge i zah ɓo gŋ. 6 Zahsyee ah yee zoo ge Bet-Hogla, so pǝ̃ǝ ge fah kǝsǝŋ Bet-Araba, so ur gin gŋ yee kal ge tǝ tǝsal Bohan. (Bohan ye we Ruben). 7 So zahsyee ah yee gin pǝ cok tǝforoŋ Bone zoo ge Debir, so rãa so ge nǝfah kǝsǝŋ ŋhaa ge dai Gilgal mai mo ɓyaŋ ki ɓo ne pǝ cok yee ga Adummim mai mo pǝ cok ma tǝforoŋ nǝfah morkǝsǝŋ. Zahsyee ah pǝ̃ǝ zoo ge zahbii En-Semes ŋhaa pǝ̃ǝ ne wah ah kal ge En-Rogel. 8 Zahsyee ah yee gin pǝ el we Hinnom zoo ge kah yaŋ Jebusien nǝfah morkǝsǝŋ, ako ye Jerusalem. Zahsyee ah yee pǝ̃ǝ ge tǝlǝǝ waa mai mo pel el we Hinnom nǝfah kǝmorcomlilli, pǝ cok mai el Refaim mo ge i zah ɓo gŋ fah kǝsǝŋ ahe. 9 So zahsyee ah ur daga tǝlǝǝ waa ŋhaa kiŋ ge dai zah biikyaŋ ma Neftoa, so pǝ̃ǝ zoo ge yaŋ maluu mo tǝ waa Efron. So zahsyee ah zoo ge Ba'ala, tǝgba faa: Kirjat-Jearim. 10 So ur daga Ba'ala ɗǝŋ ge morcomlil nǝfah kah waa sǝr Edom , so zoo pǝ̃ǝ ge kah waa Jearim nǝfah nǝfahsǝŋ, tǝgba faa: Kesalon, so ɗǝr zoo ge Bet-Semes ŋhaa ge dai Timnat. 11 So ur zoo ge kah waa Ekron nǝ fahsǝŋ, so ɗǝŋ zoo ge Sikeron pǝ̃ǝ ge tǝ waa Ba'ala ŋhaa ge dai Jabneel rel ge zah mabii Mediterrania. 12 Zahsyee ma fah morcomlil ge kan ne mabii ne zahkee ahe.
Mai daŋ zahsyee mǝ ban Yuda ne mǝ za yaŋ ɓǝǝr o.
Kaleɓ re Hebron ne Debir
13 Kaleɓ we Jefunne lwaa zah mǝ ah kǝsyil wee Yuda tǝgbana mai Dǝɓlii mo faa nyi Joswa, nyira Kirjat-Arba mai ako ye mo Hebron nyi ko, Arba ako ye pah Anak. 14 Kaleɓ nĩi morsǝ̃ǝ Anak sai gin gŋ: Sesai, ne Ahiman, tǝkine Talmai. 15 So ur gin gŋ mor ka ga ruu sal ne za ma kaara Debir, pǝtãa yea tǝ ɗiira Debir ne Kirjat-Sefer. 16 Kaleɓ faa: Dǝɓ mo ɗaŋ Kirjat-Sefer mo re yaŋ ah ɓe, me ga nyi mǝlaŋ ɓe Aksa nyi ko kanne. 17 So Otniel we Kenas naa mah Kaleɓ ge re yaŋ ahe. Kaleɓ ɓaŋ mǝlaŋ ah Aksa nyi ko. 18 Ne cok Aksa mo ge wo wor ahe, kǝǝ wor ah ka mo fiiko 'wah jol pah ahe. So mawin ɗǝr tǝ korro ah ge sǝŋ, Kaleɓ fii ko: Mo 'yah fẽene? 19 Zyii faa: Mo joŋ ɓǝ sãh wo ɓe sa, mor mo nyi sǝr ma na pil nyi me ɓe, mo nyi biikyaŋ ah nyi me o ta. Kaleɓ nyi biikyaŋ ah ma tǝkǝsǝŋ ah ne ma morkǝsǝŋ daŋ nyi ko.
Yaŋ maluu mai Yuda mo lwaa
20 Zah faren mǝ ban Yuda ne za yaŋ ɓǝǝra. 21 Yaŋ mǝ ban Yuda mo lwaa ɓo ɗǝk ah ŋhaa ge dai zahsyee sǝr Edom nǝfah morkǝsǝŋ: Kabzeel, Eder, Jagur, 22 Kina, Dimona, Adada, 23 Kades, Hazor, Itnan, 24 Zif, Telem, Bealot, 25 Hazor-Hadata, Keriot-Hesron, tǝgba faa: Hazor, 26 Amam, Sema, Molada, 27 Hasar-Gadda, Hesmon, Bet-Palet, 28 Hasar-Sual, Beerseba, Bizotia, 29 Ba'ala, Ijim, Atsem, 30 Eltola, Kesil, Horma, 31 Ziklak, Madmanna, Sansanna, 32 Lebaot, Silkim, Ayin, Rimmon. Yaŋ maluu daŋ jemma gwa tǝtǝl doraŋ ne yaŋ ma lal ah ra daŋ.
33 Ma tǝbǝǝ: Estaol, Zora, Asna, 34 Zanowa, En-Ganim, Tapǝwa, Enam, 35 Jarmut, Adullam, Soko, Azeka, 36 Syaarayim, Aditayim, Gedera, Gederatayim, yaŋ jemma tǝtǝl nai tǝkine yaŋ ma lal ah ra daŋ.
37 Zenan, Hadaska, Migdal-Gad, 38 Dilean, Mispa, Jokteel, 39 Lakis, Boskat, Eglon, 40 Kabbon, Lakmas, Kitlis, 41 Gederot, Bet-Daagon, Naama, Makeda, yaŋ jemma tǝtǝl yea ne yaŋ ma lal ah ra daŋ.
42 Libna, Etar ne Asan, 43 Jifta, Asna, Neziɓ, 44 Kaila, Akziɓ ne Maresa, yaŋ maluu doraŋ ne yaŋ ma lal ah ra daŋ.
45 Ekron ne yaŋ ah maluu tǝkine yaŋ ma lal ah ra daŋ, 46 daga Ekron ŋhaa ge dai zah mabii tǝkine yaŋ matǝ gwari ne Asdod ne yaŋ ɓǝǝ ma lal ah ra daŋ.
47 So Asdod ne yaŋ maluu mo gŋ tǝkine yaŋ ma lal ah ra daŋ. Gaza ne yaŋ maluu mo gŋ tǝkine yaŋ ma lal ah daŋ ŋhaa ge dai el Egiɓ zah mabii malii zahsyee ah ge kan ne ko.
48 Ma tǝwaare: Samir, Jatir ne Soko, 49 Dana, Kirjat-Sana, ako ye Debir, 50 Anaɓ, Estemoa, Anim, 51 Gosen, Holon, ne Gilo, yaŋ jemma tǝtǝl vaŋno ne yaŋ ma lal ah ra daŋ.
52 Araɓ, Duma ne Esean, 53 Janum, Bet-Tapǝwa ne Afek, 54 Humta, Kirjat-Arba, tǝgba faa: Hebron, ne Sior, yaŋ doraŋ tǝkine yaŋ ma lal ah ra daŋ.
55 Maon, Karmel, Zif, Yutta, 56 Jezereel, Jokdeam, Zanowa, 57 Kain, Gibea ne Timnat, yaŋ jemma ne yaŋ ɓǝǝ ma lal ah ra daŋ.
58 Halhul, Betsur, Gedor, 59 Maarat, Bet-Anot, Eltekon, yaŋ yea ne yaŋ ma lal ah ra daŋ.
60 Kirjat-Ba'al (zǝzǝ̃ǝ a ɗiira ne Kirjat-Jearim), ne Rabba, yaŋ maluu gwa, ne yaŋ ma lal ah ra daŋ.
61 Ma fah kǝsyicokki: Bet-Araba, Middin, Sekaka, 62 Nibsan, Yaŋ-Tǝmmi, ne En-Gedi, yaŋ maluu yea ne yaŋ ma lal ah ra daŋ.
63 Ban Yuda gak nĩira Jebusien mai mo kaara ɓo yaŋ Jerusalem ya, Jebusien kaara ɓo ne za Yuda ŋhaa tǝ'nahko.
© Bible Moundang © Alliance Biblique du Tchad, 1996.
