Joɓ zyii ɓǝ zah Bilda
1 Joɓ faa nyi Bilda: 2 Amo ye pa gbah jolle, mo wǝǝ dǝɓ ma bai tǝtǝl ma na mee ko! 3 Amo cuu ɓǝ nyi dǝɓ pǝsãhe, amo cuu fatan nyi dǝɓ ma bai tǝtǝl ma na mee ko ! 4 Amo lǝŋ azu ye ga laa ɓǝ faa ɓo daŋ ne? Azu ye nyi tǝ'yak nyi mo ka mo faa ɓǝ ne nai ne?
Ɓǝ faa Bilda
5 Cok mai za wul mo gŋ a coo pel ah coo, cok mai za mo ka gŋ ya, a laŋ ne gal geri geri. 6 Cok mai za wul mo gŋ gbǝr ɓo pel Masǝŋ gǝǝ, fan ma rii bal nǝn ah ka mo kwoko ka kǝka. 7 Masǝŋ ɓaŋ fahsǝŋ gbǝ ge ɓo sǝŋ tǝ cok kolle, ɓaŋ dunia rao ɓo ka tǝ fan ki ya. 8 Masǝŋ ako ye baa bii bam ɓo pǝzyil swãhe, so swãh ka cẽe mor bii gŋ pǝyǝkki ya. 9 A rii fĩi mai moo zaa pel ɓo nǝn swãhe. 10 Ɗee fan tǝ mabii cyãhrĩ ka woŋ kǝsyil cokfãi ne cokfuu ne ko. 11 Ne cok mo lǝlai, wǝǝdǝǝ mai mo gbǝ coksǝŋ uu ɓo ne laŋ geri geri. 12 Masǝŋ cak wea bii ne swah ahe. Muŋ fan malii ma mor bii ma ɗii ne Rahaɓ ne swah jol ahe. 13 Tǝ'yak zah ah a joŋ coksǝŋ nǝǝ nǝn zaizai, ako ye muŋ Rahaɓ ne jol ahe. 14 Amma fan marai cuu ɓǝ foo ah ne swah ah ge ɓo lalle, na laa cii ah ne sok biŋ biŋ nai to. Azu yee gak tǝ mor yǝk Masǝŋ a nai no ne?
© Bible Moundang © Alliance Biblique du Tchad, 1996.
