Lǝŋ yii Dǝɓlii
1 Na yii Dǝɓlii!
Na ɗǝǝ lǝŋ mafuu ah yii Dǝɓlii ne ko.
Na yii ko kǝsyil zan ah matǝ njaŋ.
2 Za Israel, we laa pǝ'nyah ne Dǝɓ mai mo joŋ we.
Awe za Sion, we laa pǝ'nyah ne Goŋ ɓiiri.
3 We yii tǝɗii ah ne dǝdaa,
We woŋ yuŋ ne tǝnjuŋ yii tǝɗii ah ne ko.
4 Dǝɓlii a laa pǝ'nyah ne zan ahe,
A yii za matǝtǝ̃ǝ a joŋ ra kaa kacella.
5 Za Masǝŋ mo laara pǝ'nyah mor kacella ɓǝǝ mo kaara ɓo,
Mo ɗǝǝra lǝŋ ne laa pǝ'nyah tǝgbana moo joŋra fĩi.
6 Mo ɗǝǝra lǝŋ ne kyaŋ pǝ'man yii Masǝŋ ne ko,
Mo nǝǝra kafahe jolle.
7 Ka mo cuura swãa zahban ki ne ka mo ŋgoŋra kiita tǝ ɓǝǝra,
8 Ka mo ɓaara ŋgǝyam ge nyi za goŋ ɓǝǝ jol ne solle,
Ka mo gaara zaluu ɓǝǝ ne celeelu.
9 Mo ŋgoŋra kiita tǝ ɓǝǝ tǝgbana Dǝɓlii mo faa ɓo.
Kacella mai za Masǝŋ mo kaa ɓo yo.
Na yii Dǝɓlii! Kokõorĩi, tǝjuŋni, yuŋni, jakle, koŋkeere
© Bible Moundang © Alliance Biblique du Tchad, 1996.
