ESAIA 9 - Bible Moundang (MUA)

Goŋ ma pelle

1 Sǝr Zebulon ne Naftali mai mo yea sǝr ma joŋ fan ma ren swãa ahe, sǝr ma kah mabii ma ɗii ne Mediterrania nǝfah morcomzah'nan kah el Yordan nǝzakǝŋhaa ŋhaa dai Galile mai za gwǝǝ mo kaa ɓo gŋ daŋ, ga pel mai sǝr ah ga yea pǝyǝkki.

Se préparer pour Noël : Jour 1 : L’Attente et l’Espérance

Lecture : Ésaïe 9:6-7 Quelles sont vos attentes pour Noël cette année ? Méditons sur l’attente et l’espérance que nous offre la promesse de la venue du Christ. Comme Ésaïe l’a annoncé, un enfant nous est né, un Fils nous est donné, et son nom sera appelé : Merveilleux, Conseiller, Dieu puissant, Père éternel, Prince de la paix. L’Avent nous permet de nous souvenir que Dieu est venu pour être à nos côtés, qu’il est toujours auprès de nous et qu’il reviendra à nouveau. Nous avons accès au conseil, à la paix puissante et éternelle de Dieu. Car il a envoyé son Fils pour être Emmanuel, ce qui signifie « Dieu avec nous ». Nous attendons dans la prière le retour de notre Sauveur comme les Israélites qui attendaient l’accomplissement des prophéties messianiques décrites dans l’Ancien Testament

Plus

2 Za mai mo tǝ syeera pǝ cokfuu kwora cokfãi malii ɓe. Za mai mo kaara ɓo pǝ sǝr mai cee mo jǝŋ cok ɓo gŋ, amma zǝzǝ̃ǝko cokfãi tǝ sǝǝ gin tǝ ɓǝǝra. 3 Dǝɓlii amo ye joŋ ra ɓo tǝ laa pǝ'nyahre, mo ye joŋ ra ɓo tǝ 'nyah suu. Tǝ laara pǝ'nyah ne ɓǝ fan mai mo joŋ ɓo tǝgbana za moo 'nyahra suu ne cok mai mo tǝ joŋra fagwahl ɓǝǝra, wala tǝgbana ne cok mai za moo woŋra fan ma woo zah salle. 4

Mor mo ɓaŋ faswaa mai mo tǝ ɓǝǝ ge lalle, mo hao kǝndaŋ mai moo inra ciciifal nyi ra ne daŋ ge lal ɓe ta. Dǝɓlii, amo ye nĩi za mai mo tǝ cuura syak nyi za ɓo tǝgbana mai mo nĩi sooje sǝr Midian kǝpel ɓaaɓe. 5 Wii ga sye sǝɓal sooje mai moo maara nĩi sal ne ko tǝkine mbǝro ɓǝǝ mai mo ii ɓo ne syim daŋ. 6 Mor byaŋra we ɓo nyi na! Nyira we wor ɓo nyi na! A ga kaa goŋ mana. A ga ɗiira ko ne Pa gbah jol malii, Masǝŋ ma swahe, Pam ma ga lii, Goŋ matǝ jam. 7 Swah goŋ ah a ga pelle, goŋ ah ga yea jam. A ga kaa goŋ pǝ cok David, a ga gbǝ goŋ ah pǝsãhe, tǝkine joŋ fan matǝ njaŋ, ɓǝ ah no nai daga zǝzǝ̃ǝko, ŋhaa sǝr vǝr ne sõo. Dǝɓlii ma ne swah daŋ ye foo ɓo ka joŋ fan maiko.

Dǝɓlii ga ŋgoŋ kiita tǝ za Israel

8 Dǝɓlii faa ɓǝ ɓo ka ŋgoŋ kiita tǝ sǝr goŋ Israel tǝkine tǝ morsǝ̃ǝ Yakuɓ. 9 Za Israel mai mo kaara ɓo yaŋ Samaria, koo zune daŋ a ga tǝ, Dǝɓlii ye joŋ fan maiko. A faara ɓǝ yii suu ne ko, 10 faara: Yaŋ ma vuu ne darŋgel mai lea ge sǝŋ daŋ ɓe, amma na ga vuu mafuu ga cok ah ne tǝsal mai mo zyeɓ ɓo zyeɓɓe. Nǝǝra kpuu sǝŋ ma joŋ ne kpuu nyiŋgyo ge lal ɓe, amma na ga cii kpuu bah ga pǝ cok ahe.

11 Dǝɓlii pee za syiŋ ɓǝǝ ka mo ge ruu sal ne ra, 12 ur Sirien nǝfah kǝmorcomzah'nanne, ur Filistien nǝfah kǝmorcomlil ge, zyeɓra suu ɓo ka joŋ ki ne za Israel. Amma ne daŋ laŋ kpãh mai Dǝɓlii mo ɓaŋ ɓo ɓah in zah ya ba, kaa ge ɓo ka sǝŋ ne ŋgoŋ kiita tǝ zan a ba.

13 Za Israel ɗiira marvǝǝ ya ba. Dǝɓlii ma ne swah daŋ ŋgoŋ kiita tǝ ɓǝǝra, ne daŋ laŋ pii soora ge wol ah ya. 14 Dǝɓlii ga ŋgoŋ kiita tǝ zaluu Israel tǝkine za pãa daŋ pǝ zah'nan vaŋno, a ga mgboo ɓǝ ɓǝǝ tǝɗe'. 15 Dǝɓlii ga i zah ɓǝ zaluu ɓǝǝ tǝkine profetoen ma cuu ɓǝ ber daŋ. 16 Zaluu Israel kiŋra tǝtǝl nyi za ɓǝǝ kǝǝ ra zyak ɓe. 17 Dǝɓlii ka ga soɓ wee tǝbanna ɓǝǝ ǝ̃ǝ vaŋno ya, ka ga kwo syak tǝ ŋwǝǝ wul ne tǝ wee syel koo vaŋno ya ta, mor za daŋ ye za ɓea ne za tǝ vǝrvǝrri, mor ɓǝ faa zah ɓǝǝ moo faara daŋ a pǝɓe'. Ne daŋ laŋ, kpãh mai Dǝɓlii mo ɓaŋ ɓo, ka ga i zah ya ba, amma kaa ge ɓo ka sǝŋ ne ŋgoŋ kiita tǝ zan a ba.

18 Faɓe' mai za mo tǝ joŋ a syen na wii mai moo syen fãa gaore. A syen tǝgbana wii mo tǝ syen gǝ̃ǝ ɓe, suŋwii ah moo zoo ga sǝŋ rakrakke. 19 Mor ahe, Dǝɓlii ma ne swah daŋ ɓaŋ kpãh ɓo, kiita ah tǝ syen wo sǝr tǝgbana wii, a ga muŋ zana, zune daŋ ka ga kwo syak tǝ naa pah ah ya. 20 Za ga re koo fẽene daŋ pǝ sǝr ah zahwaa farelle, amma ka ga i zah koŋ ɓǝǝr a. So a ga ryakra wee ka syak ɓǝǝ ta! 21 Za Manasse ne za Efraim a ga ruura sal wo ki, so ara gwa daŋ a ga taira ki ka ruu sal ne Yuda. Ne daŋ laŋ, kpãh mai Dǝɓlii mo ɓaŋ ɓo ɓah in zah ya ba, amma kaa ge ɓo ka sǝŋ ne ŋgoŋ kiita tǝ zan a ba.