Laa pǝ'nyah pel Masǝŋ
1 Lǝŋ yii Masǝŋ.
Awe za sǝr daŋ, we rahtǝrah tǝ Dǝɓlii.
2 We joŋ mor Dǝɓlii ne laa pǝ'nyahre,
We ge pel ah ne ɗǝǝ lǝŋ ne laa pǝ'nyahre.
3 We yaŋ ka, Dǝɓlii ye Masǝŋ to.
Ako ye joŋ na, ana ye mǝ ahe,
Ana ye zan ahe,
Ana ye ŋgaɓ fan ahe.
4 We dan ge pǝ yaŋ ah ne joŋ osoko nyi ko.
We dan ge morgǝ̃ǝ ah ne ɗǝǝ lǝŋ yii ko ne ko.
We joŋ osoko nyi ko,
We yii tǝɗii ahe.
5 Mor Dǝɓlii pǝsãhe, 'Yah ah a ga lii ga lii,
A kwan syak tǝ zahŋhǝǝtǝ̃ǝ daŋ.
© Bible Moundang © Alliance Biblique du Tchad, 1996.
