Kiita Masǝŋ tǝkine gboŋgboŋ ahe
1 Lǝŋ David, 2 ne cok mai Doek mo zol kal ge wo Saul, mo faa nyi ko:
David kal ge ɓo yaŋ Abimelek.
3 Dǝɓ lah suu, mo yii suu ɓo ne ɓǝɓe' ɓo mor fẽene?
'Yah Masǝŋ a ga lii.
4 Amo zyeɓ ɓǝ mor ka ɓeɓ za ki,
Tǝrĩi ɓo a tǝgbana nyahswãh sõo tǝtǝlli,
Cẽecẽe amo lii ber cee ko mo gwahe.
5 Amo 'yah ɓǝɓe' kal ɓǝ sãh ɓe,
Mo 'yah vǝrvǝr kal goŋga ɓe ta.
6 Amo pa berre, mo 'yah ɓeɓ za ne ɓǝ faa zah ɓo.
7 Mor maiko, Masǝŋ ga zyak mo ga lii,
A ga kwak mo pǝ jul ɓo ɓoo ga lalle,
A ga nǝǝ mo gin kǝsyil za ma ne cee ɓoo.
8 Za matǝ njaŋ ga kwora naiko, a ga ɗuura galle.
A ga syakra mo, a ga faara:
9 Mo ẽe dǝɓ mai mo soɓ suu ah wo Masǝŋ ka byak ko ya ɗǝ,
Amma so gbǝ yǝk fan lwaa ah ɓo,
Kyeɓra kaa jam ne joŋ faɓe' ah ga pelle.
10 Amma ame tǝgbana kpuu tǝbaakãm mai mo uu ɓo kah yaŋ Masǝŋ gwari,
Ame soɓ suu ɓe ɓo mor 'yah ah ga lii ga lii.
11 Masǝŋ, cẽecẽe me ga joŋ osoko nyi mo mor fan mai mo joŋ ɓo kǝsyil za ɓo,
Me ga cuu amo ye Dǝɓ sãhe.
© Bible Moundang © Alliance Biblique du Tchad, 1996.
