Masǝŋ ye pa ǝ̃ǝ zan ahe
1 Lǝŋ ma ɗǝǝ ne ga gwǝǝ yaŋ Jerusalem.
Za Israel, kǝnah Dǝɓlii mo ka ne na ya ɓe, ɗǝne?
We zyii ɓǝ ah ɗao.
2 Kǝnah Dǝɓlii mo ka ne na ne cok za syiŋ man mo tǝ ruura sal ne na ya ɓe,
3 A ga sǝ̃ǝra na ga ɓǝr ne nahnǝn jol kpãh mai mo ɓaŋra ɓo tǝ mana,
4 Bii ga woo na kal ne ko, a ga raa na,
5 Bii mai mo tǝ ɗuu ne swah a ga raa na.
6 Na joŋ osoko nyi Dǝɓlii mai mo soɓ za syiŋ man vǝr na ya.
7 Ana ǝ̃ǝ jol ɓǝǝ tǝgbana loo moo ǝ̃ǝ gin zah mǝmmǝǝ pa saa ahe.
Mǝmmǝǝ ɗǝǝre, so na ǝ̃ǝ kalle.
8 Dǝɓlii mai mo joŋ sǝŋ ne sǝrri ako ye pa gbah jol mana.
© Bible Moundang © Alliance Biblique du Tchad, 1996.
