CUU ƁƏ LAINI 31 - Bible Moundang (MUA)

Joswa ɓaŋ yeɓ pǝ cok Mosus

1 Mosus so syee ge pel ne faa ɓǝ nyi za Israel, 2 faa: Zǝzǝ̃ǝko me joŋ syii ɓo temere ne jemma gwa o, me ka gak ka yea na dǝɓlii pel ɓii yao. So Dǝɓlii ne suu ah laŋ faa nyi me, me ka yee el Yordan a. 3 Dǝɓlii Masǝŋ ɓii ne suu ah ye ga kal pel ɓiiri, a ga vǝr za mai mo kaara ɓo gŋ, ka we re sǝr ɓǝǝra, Joswa ye ga yea dǝɓlii ɓiiri, tǝgbana Dǝɓlii mo faa ɓo. 4 Dǝɓlii ga muŋ za sǝr ah ra, tǝgbana mai mo muŋ Sihon ne Og za goŋ Amorien, ɓeɓ sǝr ɓǝǝra. 5 Dǝɓlii ga nyi swah nyi we kaa kacella tǝ ɓǝǝra, ka we joŋ ne ra na mai me faa ɓǝ ah ɓo nyi we ryakryakke. 6 We pee suu mbaŋ, we yea na za wǝǝre, we ɗuu gal ɓǝǝ ka.

07 versets bibliques pour retrouver espoir en Dieu

Vous êtes stressé ou inquiet ? Réconfortez-vous en sachant qu’il y a de l’espoir. N’abandonnez pas. Ces 7 versets bibliques vous rappellent que vous pouvez trouver l’espoir en Dieu et en lisant la Bible. Dieu est notre espoir. Les gens peuvent nous décevoir, les occasions peuvent s’envoler, les biens de ce monde peuvent être perdus ou détruits. Mais nous pouvons faire confiance à Dieu et mettre notre espoir en lui. Si vous êtes en difficulté, ceci est un rappel que Dieu est avec vous. Vous n’êtes pas seul, la situation n’est pas désespérée. C’est une promesse que l’espérance en Dieu est une espérance qui dure. Dieu ne vous laissera pas tomber. Faites-lui confiance pour vous conduire vers votre avenir. Dieu nous a donné des promesses dans la Bible, sa Parole. Lisez-la. Vous y trouverez réconfort et encouragement. C’est grâce à Jésus-Christ que nous pouvons avoir de l’espoir. Il est venu dans le monde avec la lumière, l’amour, la rédemption et le salut. Nous attendons la seconde venue de Jésus. C’est une promesse en laquelle nous pouvons avoir confiance et espérer. Le jour viendra. Chaque jour, mettez votre foi en Dieu, mettez votre espérance en lui et quelle que soit votre situation, louez Dieu.

Plus

7 So Mosus ɗii Joswa, faa nyi ko pel za Israel daŋ: Mo swaa suu ɓo, mo yea pǝ dǝworre, amo ye dǝɓ mai mo ga kal pel zai ka ga ren sǝr mai Dǝɓlii mo faa ɓǝ ah ɓo nyi pa ɓǝǝ lii ra. 8

Dǝɓlii ne suu ah ye ga kal pel ɓo, a ga yea ne mo, ka ga joŋ ɓǝɓe' wo ɓo wala soɓ mo ɓoo ya. Zahzyil mo nǝǝ mo wala mo ɗuu gal ka.

Syii rǝŋ mo baa ɓe daŋ, mo keera ɓǝ lai

9 So Mosus ŋwǝǝ ɓǝ lai nyi nyi Lewitien ma joŋra zahsyiŋ mai ara ye mo lwaa ɓǝ sunduku gbanzah Dǝɓlii ɓo, ne zaluu Israel. 10 Faa nyi ra: Syii rǝŋ mo baa ɓe daŋ, tǝgba faa: syii ma rwah val tǝ dǝɓ ga lalle, ka we kee ɗerewol ɓǝ lai mai pǝ cok joŋ fĩi julli. 11 We kee nyi za Israel daŋ, ne cok mai mo gera ɓo tǝ juupel wo Dǝɓlii Masǝŋ ɓii pǝ cok juupelle. 12 We tai za wǝǝ ne ŋwǝǝ ne wee manyee, tǝkine za gwǝǝ daŋ mo ge kaara ɓo ne we, ka koo zune mo laa ɓǝ lai ahe, ka mo feeko ɗuu gal Dǝɓlii Masǝŋ ɓiiri, ka mo syeeko mor ɓǝ cuu ah ra ne goŋga. 13 Ne fahlii mai wee ɓii mai mo laara ɓǝ lai Dǝɓlii Masǝŋ ɓii taa ya a ga laara. So a ga feera fahlii ka ɗuu Dǝɓlii pǝ zah'nan cee ɓǝǝ mai moo ga kaara pǝ sǝr mai we tǝ ga yee el Yordan ka ga renne.

Ɓǝ faa Dǝɓlii ma fahfal tǝ lii mo faa nyi Mosus

14 So Dǝɓlii faa nyi Mosus: Zah'nan wul ɓo ge gwari ɓe. Mo ɗii Joswa, ka mo zaŋ ko ge pǝ tal mbǝro ma tai ne ko, ka me cuu fahlii yeɓ mai moo ga joŋko nyi ko. Mosus ne Joswa gwa daŋ kalra ge pǝ tal mbǝro. 15 Dǝɓlii cuu suu ah nyi ra gŋ pǝzyil swãh bam tǝgbana waddǝǝ, uu zahfah tal mbǝro.

16 So Dǝɓlii faa nyi Mosus: Mo tǝ yah wun gwari o, fahfal wul ɓo, za ga ŋwoora kyaŋ ne me, a ga syelra ɓǝ gbanzah mai me gbǝ ɓo ne ra. A ga soɓra me, so a ga juura pel wo masǝŋ za gwǝǝ ma pǝ sǝr mai mo tǝ gara gŋ. 17 Ne cok fan ah mo joŋ nai ɓe, me ga ɓaŋ kpãh ne ra, me ga soɓ ra ɓoo, a ga muŋra. Bone magaɓ ah camcam a ga ge tǝ ɓǝǝra, so a ga faara, fan marai daŋ joŋ wo ɓǝǝra, mor ame Dǝɓlii Masǝŋ ɓǝǝ me ka ne ra ya. 18 Ne cok ah me ka ga gbah jol ɓǝǝr a, mor joŋra fan maɓe' ahe, kal tǝ juura pel wo masǝŋ ki ra.

19 Zǝzǝ̃ǝko, mo ŋwǝǝ lǝŋ maino, ka mo cuu nyi za Israel, ka lǝŋ ah mo yea na syedowal tǝtǝl ɓǝǝra. 20 Me ga zaŋ ra ga pǝ sǝr masãh ma joŋ fan lii ne ko, tǝgbana me faa ɓǝ ah ɓo nyi pa ɓǝǝ lii ra. A ga lwaara farel mai zahzyil ɓǝǝ mo 'yah daŋ gŋ, so a ga laara pǝ'nyahre. Amma a ga jinra syee mor masǝŋ ki ra, a ga soɓra me ɓoo, a ga syelra ɓǝ gbanzah mai me gbǝ ɓo ne ra ta. 21 Bone ne gaɓ camcam a ga ge tǝ ɓǝǝra. So lǝŋ mai a ga yea na syedowal ɓe tǝ ɓǝǝra, morsǝ̃ǝ ɓǝǝ ka ga yaŋra lǝŋ ah ya. Koo kǝpel ka me zaŋ ra ge pǝ sǝr mai me faa ɓǝ ah ɓo nyi pa ɓǝǝ lii ka nyi nyi ra ne ya ba laŋ, me tǝ ɓǝ foo ɓǝǝ ɓe.

22 Com ah Mosus ŋwǝǝ lǝŋ ahe, so cuu nyi za Israel. 23 So Dǝɓlii faa nyi Joswa we Nun: Mo swaa suu ɓo, mo yea pǝ dǝworre, mo ga zaŋ za Israel ka ga pǝ sǝr mai me faa ɓǝ ah ɓo nyi ra ne ko, me ga yea ne mo.

24 Mosus ŋwǝǝ ɓǝ lai Masǝŋ mai daŋ ge pǝ ɗerewol, coŋ fan ki gŋ ge lal a. 25 Ne cok mo ŋwǝǝ vǝrri, so faa nyi Lewitien ma joŋra zahsyiŋ mai mo lwaara ɓǝ sunduku gbanzah Dǝɓlii ɓo: 26 We ɓaŋ ɗerewol ɓǝ lai Masǝŋ nyẽe we kan ge kah sunduku gbanzah Dǝɓlii Masǝŋ ɓiiri, ka mo yea gŋ ŋhaa na syedowal tǝtǝl zan ahe. 27 Me tǝ tǝtǝl yak ɓǝǝ ne ŋwookyaŋ ɓǝǝ ɓe, ŋwoora kyaŋ ne Dǝɓlii ne nahnǝn ɓe taa ɗǝ. So a ga ŋwoora kyaŋ fahfal wul ɓe kpǝ. 28 We tai zaluu ma kǝsyil zahban ɓii ra daŋ, ne zaluu tǝsal ɓǝ ge pel ɓe, ka me faa ɓǝ marai daŋ nyi ra. Me ga ɗii coksǝŋ ne sǝrri ka mo yeara na syedowal ɓe tǝtǝl ɓǝǝra. 29 Me tǝ ɓe, fahfal wul ɓe zai ga ɓeɓɓe, a ga soɓra ɓǝ mai me cuu ɓo nyi ra ɓoo. Zah'nan ma pel mo tǝ ginni, ɓeɓ ga ge tǝ ɓǝǝra, mor a ga joŋra Dǝɓlii ɓaŋ kpãhe ne joŋ fan mai mo cak ra ɓo tǝl ahe.

Lǝŋ Mosus

30 So Mosus kee ɓǝ lǝŋ ahe, za Israel daŋ syiira sok laa.