Yǝk Ahasverus ne Mordekai
1 Goŋ Ahasverus kan gǝraama tǝtǝl za sǝr ah ma pǝ kyo ra tǝkine tǝ za sǝr goŋ ah ne lii ah daŋ. 2 So ɓǝ yeɓ ah malii ne matǝ gǝriŋ ah mo joŋni, tǝkine ɓǝ mai mo ɓaŋ Mordekai yii pǝ yǝk mo kan ko pǝ cok ul ma pel ahe, ɓǝ ah ŋwǝǝ ɓo pǝ ɗerewol ɓǝ za goŋ Persia ne Media daŋ. 3 Mordekai Yahuduyo ako ye patǝ gwa goŋ Ahasverus sǝ. Zum ah Yahuduen a yiira ko, a 'yahra ko pǝlli ta. A joŋ fan masãh ah mor zan ah tǝkine kyeɓ jam ɓǝǝ ne zahŋhǝǝtǝ̃ǝ ɓǝǝ ma pel daŋ.
© Bible Moundang © Alliance Biblique du Tchad, 1996.
