GALATIEN 5 - Bible Moundang (MUA)

Na uu pǝswah ne tǝtǝl suu man na lwaa ɓo

1 Kristu wǝǝ na ka na yea ne tǝtǝl suu mana. We uu pǝswahe, mor ka we pii soo ge pǝ byak kao.

2 Ame Paulus me tǝ faa nyi we njaŋ! We tǝ kyeɓ ka gban ɓǝ daakan ɓe, Kristu ka joŋ fan ki wo ɓiir a. 3 Me so faa wo koo zune mo tǝ kyeɓ ka daakan daŋ, doole dǝɓ ah mo syeeko mor ɓǝ lai Mosus tǝɗe' daŋ. 4 We za mai we tǝ 'yah ka yea njaŋ ne syee mor ɓǝ lai Mosus daŋ, we woŋ ki ne Kristu ɓe, gboŋgboŋ Masǝŋ pee we ɓe ta. 5 Ma man Tǝ'yak Matǝdaŋdaŋ ye tǝ gbah jol man ka na byak ka yea njaŋ ne iŋ mana. 6 Amma za mai mo tai ki ɓo ne Yesu Kristu, daakan ne bai daakan ka joŋ fan ki ya, sai iŋ mai moo cuu gin lal ne yeɓ ne 'yahe.

7 Pǝtãa we yea tǝ syee pǝsãhe, azu ye so cak we ka we syee mor goŋga kao sye ne? 8 Ɓǝ ah gee wo Masǝŋ mai mo ɗii we ya. 9 Fan mbǝ̃ǝ biŋ a ur fan daŋ. 10 Me foo ɓǝ mai tǝ ɓii pǝ Dǝɓlii: we ka fer ga pǝ ɓǝ foo maki ah cam ya. Amma dǝɓ mai mo tǝ zyak we, Masǝŋ ga ŋgoŋ kiita tǝl ahe.

11 Wee pa ɓe, me tǝ cuu ɓǝ daakan a pǝsãh ɓe, mor fẽe Yahuduen so foora mor ɓe ne? Kǝnah ɓǝ mai me tǝ cuu: ɓaara Kristu ge wo kpuu, ɓǝ ah ka so gaɓ ra ya. 12 Me 'yah za mai mo tǝ zyakra we daŋ pǝram mo ŋgomra ma ɓǝǝ ge lal tǝɗe'.

13 Wee pamme, Masǝŋ ɗii we ɓo ka we yea ne tǝtǝl suu ɓiiri, we lwaa tǝtǝl ɓii ɓo ka mor ka joŋ 'yah suu ɓiir a, amma ka we joŋ wo ki ne 'yahe. 14 Mor ɓǝ lai Masǝŋ daŋ tai ɓo pǝ ɓǝ matǝ vaŋno mai mo faa: Mo 'yah jǝk ɓo tǝgbana moo 'yah suu ɓo ta. 15 Amma we tǝ ɗah ki tǝkine lwǝǝ ki ɓe, we joŋ yella, we ga ɓeɓ ki.

Lee syẽm Tǝ'yak ne yeɓ 'yah suu

16 Me faa sye: we soɓ Tǝ'yak ye mo tǝ syee ne we ɓe, we ka joŋ 'yah suu ɓiir a. 17 Mor suu a 'yah fan mai Tǝ'yak mo 'yah ya, Tǝ'yak laŋ a 'yah fan mai suu mo 'yah ya, a danra ki naiko, mor ahe, we ka gak joŋ fan mai zahzyil ɓii mo tǝ 'yah ya. 18 Amma Tǝ'yak ye mo tǝ syee ne we ɓe, ka ɓǝ lai ka ne swah tǝ ɓiir ao.

19 Na tǝ ɓe, za ma syeera mor 'yah suu a joŋra fan maraiko: ɓǝǝre, joŋ fan ma ne 'nahmme, fan joŋ bai swãare, 20 syee mor masǝŋ ki, ẽe ciŋ, syiŋ ki, syesyelle, tǝwonni, ɓaŋ kpãhe, tǝnyeere, vǝrvǝrri, woŋ zana, 21 sãi, tǝǝ ne yimmi, joŋ kyẽm maɓeare, tǝkine fan ma jur ma morãi daŋ. Me faa nyi we kǝpel ɓe, me so faa faɗa, za ma joŋra fan ma morãi ka ga rera Goŋ Masǝŋ ya.

Jour 3 : La vie dans l’Esprit

Verset clé : « Mais le fruit de l’Esprit, c’est l’amour, la joie, la paix, la patience, la bonté, la fidélité, la douceur, la maîtrise de soi. » (Galates 5 : 22-23) Vivre dans l’Esprit, c’est permettre à Dieu de transformer chaque aspect de notre être. Ce processus n’est pas instantané, mais progressif, à mesure que nous nous ouvrons à son action. Les fruits mentionnés ne sont pas seulement des qualités personnelles, mais des témoignages visibles de l’œuvre de Dieu en nous. Quand nous vivons par l’Esprit, nos relations changent : nous répondons avec amour là où il y avait de la colère, avec patience là où il y avait de l’impatience. Quel fruit de l’Esprit aimerais-tu cultiver davantage ? Identifie une situation spécifique cette semaine où tu pourrais démontrer l’amour, la maîtrise de soi ou la bonté.

Plus

Amma lee syẽm Tǝ'yak sye, ako ye 'yahe, laa pǝ'nyahre, jam, rõm ɓǝ, kwan syakke, ɓǝ sãhe, joŋ fan ne cok ahe, 23 wonsuu, cak suu. Fan ma morãi ɓǝ lai ka tǝl ah ya. 24 Za mǝ Kristu ikra 'yah suu ɓǝǝ tǝkine fan cwaa ah daŋ pǝ wul ɓe. 25 Amma Tǝ'yak ye mo nyi cee ɓo na ɓe, na syee na Tǝ'yak moo cuu nyi na ta. 26 We yii suu ka, we joŋ kpãh wo ki ka, we syiŋ ki ka ta.