YAKUƁ 4 - Bible Moundang (MUA)

Bai duniaru

Découvrez les multiples bienfaits du Carême

Observer le Carême de manière sincère apporte de nombreux bénéfices : – Un renforcement de la foi et une plus grande proximité avec Dieu.– Une meilleure discipline spirituelle, qui nous aide à grandir dans notre marche chrétienne.– Un cœur purifié, détaché des fardeaux du monde.– Une plus grande compassion, en apprenant à penser aux autres et à partager avec ceux qui souffrent.– Une paix intérieure, car nous nous remettons entièrement entre les mains de Dieu. Le Carême n’est pas un temps de tristesse, mais un chemin de joie vers la victoire de Pâques. Chaque effort que nous faisons pour nous rapprocher de Dieu porte du fruit. Il est écrit dans Jacques 4 : 8 : « Approchez-vous de Dieu, et il s’approchera de vous. » Que ce temps de Carême soit pour toi une période de transformation, de renouveau et de bénédiction ! Que le Seigneur t’accompagne dans cette marche spirituelle !

Plus

1 Ŋgyãhŋgyãh tǝkine bal ma kǝsyil ɓii gera kẽe ge ne? Gera mor fan cwaa mai mo tǝ ruu sal pǝ suu ɓii ge. 2 We 'yah fanne, amma we ka lwaa fan ah ya, so we in wulli. We cwaa fanne, amma we ka lwaa laŋ ya, so we bǝǝ balle, we ɗah ki. We ka lwaa fan mai we tǝ 'yah ya, mor we ka fii Masǝŋ mor ah ya. 3 Ne cok we fii fan ɓe, we ka lwaa fan ah ya, mor we fii ne ɓǝ foo maɓe', we fii fan mor ka joŋ 'yah suu ɓii ne ko. 4 Awe za bai ɗuu Masǝŋ! We tǝ sõone dǝɓ mo tǝ joŋ bai ne sǝr ɓe, ka syiŋ Masǝŋ ɓo, we tǝ ya ne? Dǝɓ mo tǝ 'yah joŋ bai ne sǝr ɓe, ka syiŋ Masǝŋ ɓo. 5 We lǝŋ ɓǝ mai Ɗerewol mo faa: Tǝ'yak mai Masǝŋ mo nyi ɓo nyi na tǝ byak na mor suu ah faa ɓo tǝkol ne ? 6 Amma so tǝ joŋ gboŋgboŋ wo man pǝ'man faɗa. Mor mai Ɗerewol ah faa: Masǝŋ a cak za ma yiira suu, amma a joŋ gboŋgboŋ wo za mai moo wonra suu. 7 We laa zah Masǝŋ, amma we cak Satan, a ga ɗuu soɓ we pǝɗǝkki. 8

We tǝɓ ge wo Masǝŋ gwari, a tǝɓ ge wo ɓii gwari ta! Awe za faɓe', we vãh jol ɓiiri, we vãh zahzyil tǝ vǝrvǝr ɓii ta. 9 We swaa ɓǝ, we dahgorre, we yeyee, ka syak ɓii mo fer ciŋ zahzyil nǝǝni, ka ɓǝ 'nyah ɓii mo fer ciŋ swaa ɓǝ. 10 We wonsuu ɓii pel Dǝɓlii, ako laŋ a ga yii we.

Lai tǝ ɓǝ ŋgoŋ kiita tǝ we pamme

11 Wee pa ɓe, we faa ɓǝɓe' tǝ ki ka. Dǝɓ mo faa ɓǝɓe' tǝ naa pah ah wala mo ŋgoŋ kiita tǝl ahe, ka tǝ faa ɓǝɓe' tǝ ɓǝ laini, so ka tǝ ŋgoŋ kiita tǝ ɓǝ lai ah ta. Mo tǝ ŋgoŋ kiita tǝ ɓǝ lai ɓe, ka mo ka tǝ syee mor ɓǝ lai ah ya, amma mo so ciŋ pa ŋgoŋ kiita tǝl ah ɓo. 12 Dǝɓ ma nyi ɓǝ lai ah a vaŋno, ako ye pa ŋgoŋ kiita. Ako yee gak ǝ̃ǝ dǝɓɓi, ako yee gak muŋ dǝɓɓi. Amo ye zu ka mo ŋgoŋ kiita tǝ dǝɓ ki ne?

Lai tǝ ɓǝ yii suu

13 Zǝzǝ̃ǝ me tǝ faa nyi we za mai wee faa: Tǝ'nahko wala tǝ'nanne, ru yah ga yaŋ ma ŋhaano, ru ga kaa gŋ syii vaŋno, ru ga joŋ fillu gŋ ka ru lwaa lak ne pǝlli. 14 We tǝ fan mai mo tǝ ga joŋ tǝ'nan a! Cee ɓii a tǝgbana fẽene? A na suŋwii mai dǝɓ moo kwan zah vaŋno moo so wahlle. 15 We 'yah ɓe, pǝram we faa: Masǝŋ mo soɓ tǝ ɓuu ɓo no ɓe, ru ga joŋ fan naino naino. 16 Amma zǝzǝ̃ǝko we yii suu, we faa ɓǝ kol ne ko, yii suu ma morãi daŋ a pǝɓe'. 17 Mor koo zune mo tǝ fahlii ka joŋ fan sãhe, mo so joŋ ya ɓe, ka joŋ faɓe' ɓo.