Syel goŋ matǝ njaŋ
1 Lǝŋ David.
Me ga ɗǝǝ lǝŋ ka sãa yeɓ sãh ɓo ne ko, ne yeɓ tǝ njaŋ ɓo.
Dǝɓlii, me ga ɗǝǝ lǝŋ ah yii mo ne ko.
2 Me ga byak suu ɓe ka me syee tǝ fahlii matǝ njaŋ.
Mo ga ge wo ɓe nekẽne?
Me ga yea ne zahzyil matǝ njaŋ ah kǝsyil za yaŋ ɓe.3 Me ka ga kan nahnǝn tǝ yeɓ maɓea ah ya.
Me syiŋ fan joŋ za faɓe' ɓo.Ka taira ki ne me ya ta.
4 Zahzyil ɓe ka 'yah ɓǝ maɓe' ya,
Me syiŋ ɓǝɓe' ɓo ta.
5 Dǝɓ ma ryak suu jǝk ah me ga coo zah ahe.
Dǝɓ ma gwãa suu ne yii suu me ka ga zyii ɓǝ dǝɓ ah ya.
6 Nahnǝn ɓe tǝ ẽe za matǝ njaŋ wo sǝrri,
Me 'yah ka mo kaara ne me.
Dǝɓ matǝ njaŋ ye ga yea dǝɓ yeɓ ɓe.
7 Pa ma gwah ber ka ga kaa yaŋ ɓe ya.
Dǝɓ matǝ vǝrvǝr ka ga uu pel ɓe ya.
8 Zah'nan Masǝŋ daŋ me ga coo zah za maɓea wo sǝrri,
Me ga nĩi ra yaŋ Masǝŋ ga lalle.
© Bible Moundang © Alliance Biblique du Tchad, 1996.
