Juupel ma mor fii gbah jolle
1 Lǝŋ David.
2 Dǝɓlii, mo ga yaŋ me nai ga lii ne?
Mo ga muŋ suu wo ɓe ga lii nai ne?
3 Me ga rõm bone ga lii nai ne?
Me ga yea ne swaa ɓǝ pǝ zahzyil com ne suŋ daŋ liilii nai ne?
Za ma syiŋ me ga kaara swah tǝ ɓe ga liilii nai ne?
4 Dǝɓlii, Masǝŋ ɓe, mo ẽe me,
Mo zyii zah ɓe,
Mo nyi swah nyi me ka me wǝ ka.
5 Mo nai ɓe, za syiŋ ɓe ka gak faara rǝ kaa swah tǝl ah ɓe ya,
Ka gak 'nyahra suu ne ɓǝ lee ɓe ya ta.
6 Amma ame soɓ suu ɓe ɓo wo ɓo mor ɓǝ 'yah ɓo,
Me ga laa pǝ'nyahre, mor mo ga ǝ̃ǝ me.
7 Me ga ɗǝǝ lǝŋ yii Dǝɓlii ne ko,
Mor joŋ me ɓo pǝsãhe.
© Bible Moundang © Alliance Biblique du Tchad, 1996.
