Yeyee fii gbah jolle
1 Lǝŋ ma ɗǝǝ ne ga gwǝǝ yaŋ Jerusalem.
Dǝɓlii, ne cok me pǝ cok gaɓɓe, me yeyee ɗii mo.
2 Mo laa yee ɓe Dǝɓlii,
Mo syii sok tǝ yee ɓe me tǝ yee fii gbah jol ne wo ɓo.
3 Kǝnah mo gbǝ ɓǝɓe' ɓuu ɓo pǝ zahzyil ɓe, azu ye gak ǝ̃ǝ jol kiita ne?
4 Amma amo rwah faɓe' ɓuu ga lalle,
Mor ka ru ɗuu mo.
5 Me tǝ byak pǝlli ka Dǝɓlii mo gbah jol ɓe,
Me soɓ suu ɓe ɓo mor ɓǝ faa ahe.
6 Me tǝ byak gin Dǝɓlii pǝlli kal pa byak cok moo byak ka zah'nan mo cee ka zye kal fah yaŋ ɓe.
7 Za Israel, we soɓ suu ɓii wo Dǝɓlii,
Mor a ne 'yah pǝlli,
Cẽecẽe a ne 'yah ka ǝ̃ǝ dǝɓɓi.
8 A ga ǝ̃ǝ zan ah Israel gin wo faɓe' ɓǝǝ daŋ.
© Bible Moundang © Alliance Biblique du Tchad, 1996.
