Juupel ma yii yǝk yaŋ Masǝŋ
1 Lǝŋ ma ɗǝǝ ne ga gwǝǝ yaŋ Jerusalem.
Dǝɓlii, mo yaŋ ɓǝ David tǝkine bone camcam mai mo laako ka.
2 Dǝɓlii, mo foo ɓǝ mai mo faako ne haazah mai mo haako nyi mo Masǝŋ maswah mai Yakuɓ moo syee mor ahe,
3 Faa: Me ka ga yaŋ ɓe ya, me ka ga cok swul ɓe ya,
4 Me ka kaa 'yak wala ka swǝ sǝŋ nanǝm ya,
5 Sai ka me zyeɓ yaŋ mor Dǝɓlii, Masǝŋ maswah mai Yakuɓ mo syee mor ah ɓe.
6 Na laa ɓǝ sunduku gbanzah ma Betlehem,
Na lwaa pǝ 'wah Jar.
7 Na faa: Na ge yaŋ Dǝɓlii,
Ka na juupel pel fakal ahe.
8 Dǝɓlii, mo ge pǝ cok 'yak ɓo ne sunduku gbanzah ɓo,
A no na fan ma cuu swah ɓo.
9 Ka za joŋzahsyiŋ mo faara amo ye pa ǝ̃ǝ za ɓo,
Ka za ɓo daŋ mo ɗǝǝra lǝŋ ne laa pǝ'nyahre.
10 Amo gbǝ zah ne dǝɓ yeɓ ɓo David,
Dǝɓlii, mo soɓ goŋ mai mo nǝǝ ɓo ɓoo ka.
11 Amo gbǝ zah ne David,
Mo ka so syel ɓǝ ah ya,
Mo faa: Me ga ɓaŋ dǝɓ ki kǝsyil wee ɓo kan goŋ ne ko, a ga kaa goŋ fahfal ɓo.
12 Wee ɓo mo gbǝra ɓǝ gbanzah ɓe ɓe,
So mo syeera mor ɓǝ faa ɓe me nyi ɓo ra ɓe,
Wee ɓǝǝ laŋ a ga kaara goŋ fahfal ɓo ga lii.
13 Dǝɓlii ye nǝǝ
Sion,
A 'yah ka kaa gŋ.
14 Faa: Me ga kaa gŋ ga lii,
Me 'yah kaa goŋ gŋ.
15 Me ga kǝ̃ǝ Sion ne fan mai daŋ mo ne 'yah ahe,
Me ga kǝ̃ǝ za syak ah ra ne farelle.
16 Me ga joŋ za joŋzahsyiŋ ah ka mo faara ame ye pa ǝ̃ǝre,
Zan ah ga ɗǝǝra lǝŋ ne laa pǝ'nyahre.
17 Me ga nǝǝ dǝɓ vaŋno kǝsyil morsǝ̃ǝ David kan goŋ malii ah ne gŋ,
Me ga byak goŋ mai me nǝǝ kan ɓo gŋ.
18 Me ga joŋ swãa re za syiŋ ah ra,
Amma goŋ ah ga yea jam, a ga pelle.
© Bible Moundang © Alliance Biblique du Tchad, 1996.
