Juupel ma joŋ osoko
1 Lǝŋ David.
Dǝɓlii, me joŋ osoko nyi mo ne zahzyil ɓe daŋ,
Me ɗǝǝ lǝŋ yii mo ne pel masǝŋ ki ra.
2 Me kea sǝŋ pel yaŋ ɓo matǝdaŋdaŋ ne yii tǝɗii ɓo mor 'yah lii ɓo ne njaŋ ɓo,
Mor mo cuu ge lal tǝɗii ɓo ne ɓǝ lai ɓo pǝyǝkki.
3 Ne cok me yeyee ɗii mo, so mo zyii zah ɓe,
Mo swaa me pǝswah ne swah ɓo.
4 Dǝɓlii, za goŋ wo sǝr daŋ a ga yiira mo,
Mor laara ɓǝ faa ɓo mo faa ɓo ɓe.
5 A ga ɗǝǝra lǝŋ tǝ ɓǝ fan mai Dǝɓlii mo joŋ tǝkine tǝ ɓǝ yǝk ahe.
6 Koo Dǝɓlii mo coksǝŋ pǝɗǝk laŋ, a foo ɓǝ za syak gin sǝŋ,
Amma ka foo ɓǝ za ma yiira suu ɓǝǝr a.
7 Koo ne cok gaɓ mo ryaŋ zah ɓe laŋ, mo byak me ka fan ki mo joŋ me ka,
Amo cak za syiŋ ɓe mai mo ɓaŋra kpãh tǝ ɓe,
Amo ǝ̃ǝ me ne swah ɓo.
8 Mo ga joŋ fan mai daŋ mo faa ɓǝ ah ɓo nyi me.
Dǝɓlii, 'yah ɓo ga lii ga lii.
Mo vǝr yeɓ mai mo tǝŋ joŋ ah ɓo tǝɗe'.
© Bible Moundang © Alliance Biblique du Tchad, 1996.
