Osoko mor kaa kacella
1 Lǝŋ David.
2 Dǝɓlii, goŋ tǝ 'nyah suu, mor mo nyi swah ɓo nyi ko.
Tǝ laa pǝ'nyah pǝlli, mor mo joŋ ko kaa kacella ɓo.
3 Amo nyi fan mai zahzyil ah mo tǝ 'yah nyi ko,
Amo zyii fii ah mo tǝ fii mo mor ah daŋ.
4 Amo ẽe ko pǝlli, mo maa njok vãm kaŋnyeeri ge nyi tǝtǝlli.
5 Fii cee zah ɓo, mo nyi nyi ko.
Mo 'nam zah'nan ah wo sǝrri,
So mo nyi cee ma ga lii nyi ko ta.
6 A pǝyǝk pǝlli mor mo ye gbah jol ahe,
Mo nyi ɗii nyi ko,
Mo yii ko pǝyǝkki.
7 Amo ẽe ko ɓo ga lii,
Amo joŋ ko ɓo tǝ laa pǝ'nyah pel ɓo.
8 Goŋ soɓ suu ah ɓo jol Masǝŋ mayǝkki,
Mor Dǝɓlii mai mo ne 'yah pǝlli ga soɓ ko kaa goŋ ga lii ga lii.
9 Goŋ ga gbah za syiŋ ah ra daŋ,
A ga bam za mai mo syiŋra ko ɓo daŋ.
10 Ne cok Dǝɓlii mo ge ɓe,
A ga sye ra ne kpãh ah tǝgbana wii,
Dǝɓlii ga muŋ ra ne kpãh ahe,
Wii ga sye ra nahmnahm.
11 Goŋ ga ik wee ɓǝǝ daŋ pǝ wulli,
A ga vǝr morsǝ̃ǝ ah ra tǝɗe'.
12 Foora ɓǝɓe' ɓo kal ah ka joŋni,
Amma ɓǝ ah gak uu jol ɓǝǝr a.
13 A ga 'nǝǝ ra ne guu,
A ga rǝkra ɗul pel ah kalle.
14 Dǝɓlii, mo ur ne swah ɓo,
Ru ga ɗǝǝ lǝŋ yii swah ɓo ne ko.
© Bible Moundang © Alliance Biblique du Tchad, 1996.
