Juupel mai ka Masǝŋ mo byak dǝɓ wo za syiŋ ahe
1 Lǝŋ David, 2 ne cok mai
Zifien mo gera wo Saul mo faara nyi ko: David ge muŋ ɓo wo ɓuuru.
3 Masǝŋ, mo ǝ̃ǝ me ne swah ɓo, mo wǝǝ me.
4 Masǝŋ, mo laa juupel ɓe,
Mo laa ɓǝ faa ɓe.
5 Za ma yii suu a ginra ka ruu sal ne me,
Za ma bai kwan syak mai mo ka foora ɓǝ Masǝŋ ya a kyeɓra ka in me pǝ wulli.
6 Me tǝ ɓe, Masǝŋ ako ye pa gbah jol ɓe,
Dǝɓlii ako ye pa byak ɓe.
7 Masǝŋ, mo soo za syiŋ ɓe ne ɓǝɓe' ɓǝǝra,
Mo ga muŋ ra, mor amo ye Dǝɓ matǝ njaŋ.
8 Dǝɓlii, me ga joŋ syiŋ wo ɓo ne laa pǝ'nyahre,
Me ga joŋ osoko nyi mo, mor amo ye Dǝɓ sãhe.
9 Amo wǝǝ me jol gaɓ za syiŋ ɓe daŋ,
Nahnǝn ɓe kwo tǝtǝ̃ǝ za syiŋ ɓe ɓe.
© Bible Moundang © Alliance Biblique du Tchad, 1996.
