Lǝŋ ma joŋ osoko
1 Lǝŋni.
2 Masǝŋ, mo kwo syak tǝ ɓuuru, mo ẽe ru,
Mo joŋ ɓǝ sãh wo ɓuuru,
3 Mor ka za mo tǝra 'yah ɓo wo sǝrri,
Ka za sǝr daŋ mo tǝra ǝ̃ǝ ɓo.
4 Ka za mo yiira mo Masǝŋ,
Ka za daŋ mo joŋra osoko nyi mo.
5 Ka za sǝr daŋ mo 'nyahra suu ne ɗǝǝ lǝŋ ne laa pǝ'nyahre,
Mor amo ŋgoŋ kiita ɓo tǝ za sǝr ne cok ahe,
Amo ye tǝ byak za sǝr daŋ.
6 Ka za mo yiira mo Masǝŋ,
Ka za daŋ mo joŋra osoko nyi mo.
7 Sǝr joŋ fakpãhpǝǝ,
Mor Masǝŋ man ye tǝ ẽe na.
8 Masǝŋ ẽe na ɓo.
Za sǝr daŋ mo yiira yǝk ahe.
© Bible Moundang © Alliance Biblique du Tchad, 1996.
