Juupel ma mor fii gbah jolle
1 Lǝŋ David ma mor foo ɓǝ.
2 Masǝŋ, mo ǝ̃ǝ me,
Dǝɓlii, mo gbah jol ɓe zǝzǝ̃ǝko.
3 Ka za mai mo tǝ kyeɓra ka in me pǝ wulli, swãa mo re ra,
Tǝtǝl mo jin ra pǝryak,
Ka za mai mo tǝ laara pǝ'nyah ne bone ɓe mo pii soora fahfal ne swãare.
4 Ka za mai mo tǝ syakra me, swãa mo re ra tǝ ɓǝ fan joŋ ɓǝǝra.
5 Ka za mai mo gera wo ɓo mo 'nyahra suu mo laara pǝ'nyahre,
Mor ka za mai moo 'yahra ǝ̃ǝ ɓo mo faara cẽecẽe: Masǝŋ pǝyǝkki.
6 Ame pǝtǝjokri, ame mabaidǝɓɓi.
Masǝŋ, mo hǝǝ ge wo ɓe gwari.
Amo ye pa gbah jol ɓe ne pa ǝ̃ǝ ɓe.
Dǝɓlii, mo gbǝ rol ka.
© Bible Moundang © Alliance Biblique du Tchad, 1996.
