Lǝŋ yii yaŋ Jerusalem
1 Lǝŋ wee Kora.
Masǝŋ vuu yaŋ ah ɓo tǝwaa matǝdaŋdaŋ.
2 A 'yah yaŋ Jerusalem kal cok za Israel manyeeki ah ra daŋ.
3 Yaŋ Jerusalem, mo laa ɓǝ mai Masǝŋ mo faa ɓo tǝ ɓo, faa:
4 Me ga kee sǝr Egiɓ ne Babilon kǝsyil sǝr mai moo laara zah ɓe,
Sǝr Filistia, Tirus, ne Etiopia ara ye mǝ Jerusalem ta.
5 Za ki ga ɗiira yaŋ Sion ne mǝǝ,
Ɓǝ ah a ga joŋ ko pǝyǝk ne nahnǝn zana.
Dǝɓlii mayǝk ga joŋ yaŋ ah pǝswahe.
6 Ne cok Dǝɓlii mo ga ŋwǝǝ tǝɗii za ɓe, a ga ɗii ra daŋ ne wee yaŋ Jerusalem.
7 Za mai mo ga kaara gŋ daŋ a ga dǝra daa ɗǝǝ lǝŋ ne faa:
ẽe ɓuu daŋ gee wo ɓo ge.
© Bible Moundang © Alliance Biblique du Tchad, 1996.
