Masǝŋ ye goŋ tǝ sǝr daŋ
1 We ɗǝǝ lǝŋ mafuu nyi Dǝɓlii mor fan matǝ gǝriŋ ah mo joŋko ɓo.
Ako kaa kacella ɓo tǝ za syiŋ ah mor swah ahe.
2 Dǝɓlii cuu swah ah mai mo ǝ̃ǝ za Israel ne nyi za ki.
3 Yaŋ ɓǝ mai mo faa nyi za Israel a,
Baa ɓǝ 'yah ah tǝkine ɓǝ tǝ goŋga ah mai mo faako nyi ra kǝpelle.
Za sǝr daŋ kwora swah Masǝŋ mana.
4 Za sǝr daŋ, we ɗǝǝ lǝŋ yii Dǝɓlii ne ko,
We laa pǝ'nyahre.
5 We woŋ tǝnjuŋ ɗǝǝ lǝŋ yii Dǝɓlii ne ko.
6 We ul tǝsol we laa pǝ'nyah pel Dǝɓlii, goŋ mana.
7 Mabii tǝkine fan ma no mor ahe,
Sǝr tǝkine fan mai mo gŋ daŋ,
We laa pǝ'nyahre.
8 Mabii tǝkine waa daŋ, we ɗǝǝ lǝŋ yii Dǝɓlii ne ko,
9 Mor ge ɓo ka kaa goŋ tǝ sǝr daŋ.
A ga kaa goŋ tǝ za sǝr daŋ ne zahzyil pǝfãi.
© Bible Moundang © Alliance Biblique du Tchad, 1996.
