ROMANEN 15 - Bible Moundang (MUA)

Dǝɓ mo joŋ fan ma 'nyah suu jǝk ahe

1 Ana za mai na ne iŋ pǝswahe, na gbah jol za matǝtǝ̃ǝ ne ɓaŋ tǝtǝ̃ǝ ɓǝǝ tǝkǝ̃ǝ ɓǝǝra, na ka joŋ fan ma 'nyah suu man to ya. 2 Koo zune kǝsyil man daŋ mo kyeɓko ka joŋ fan ma 'nyah suu jǝk ahe, mor ka mo geko pel pǝ iŋni. 3 Mor Kristu kyeɓ fan ma 'nyah suu ah ya. Tǝgbana Ɗerewol mo faa: Tǝǝ za mai mo tǝ tǝǝra mo so ge tǝtǝl ɓe. 4 Ɓǝ mai mo ŋwǝǝ ɓo pǝ Ɗerewol daŋ ŋwǝǝ ɓo ka cuu fan nyi na, mor ka na lwaa fahlii ka byak ah tǝkine rõm ah ne swaa zahzyil man ne ɓǝ mai Ɗerewol mo cuu nyi na. 5 Masǝŋ mai moo nyi rõm nyi dǝɓ tǝkine swaa zahzyil dǝɓɓi, mo joŋko we kaa wo ki ne ɓǝ foo tǝ vaŋno ka we ɓaŋ tǝbǝlam Yesu Kristu, 6 mor ka we yii Masǝŋ Pah Dǝɓlii man Yesu Kristu ne kyaŋ tǝ vaŋno.

Ɓǝ'nyah mor za daŋ

7 Mor maiko, we nyiŋ ki mor yǝk Masǝŋ tǝgbana Kristu mo nyiŋ we. 8 Me faa sye, Kristu ge ciŋ dǝɓ yeɓ Yahuduen mor ka baa ɓǝ mai Masǝŋ mo faa ɓǝ ah nyi pa ɓǝǝ lii, mor ka cuu ɓǝ faa Masǝŋ mo faa goŋga yo. 9 Ge laŋ mor ka za mai mo ye ka Yahuduen a mo yiira Masǝŋ mor kwan syak ah mo kwo ɓo. Tǝgbana Ɗerewol mo faa:

Mor ahe, me ga yii mo kǝsyil za sǝrri,

Me ga ɗǝǝ lǝŋ yii tǝɗii ɓo ne ko.

10 So faa ta:

Za mai we ye ka Yahuduen a, we laa pǝ'nyah zahki ne za mai Masǝŋ mo nǝǝ ra ɓo.

11 So faa faɗa:

Awe za ki daŋ we yii Dǝɓlii,

Awe za daŋ we yii ko.

12 Esaia faa ta:

Morsǝ̃ǝ Isai a ga urri,

Ako ye ga kaa goŋ tǝ za sǝrri,

Za ga soɓra suu ɓǝǝ ka byak ko.

07 versets bibliques quand vous êtes anxieux

Lorsque vous vous sentez anxieux ou inquiet, il est bon de consulter la Bible. Dieu connaît nos peurs et nos inquiétudes, et la Bible contient de nombreuses paroles pour nous relever, nous donner de l’espoir et nous soulager de l’anxiété. Ésaïe 41:13 Car je suis l’Éternel, ton Dieu, Qui fortifie ta droite, Qui te dis: Ne crains rien, Je viens à ton secours. Vous n’êtes pas seul. Dieu est là, il est avec vous. C’est un rappel important, car l’anxiété peut être accablante. Mais Dieu est là pour vous aider. Jean 14:1 Que votre coeur ne se trouble point. Croyez en Dieu, et croyez en moi. Dieu s’est fait homme, Jésus-Christ, et a vécu comme l’un de nous. Il connaît votre situation. Jésus vous rappelle de vous tourner vers lui dans la foi. Psaumes 34:5 J’ai cherché l’Éternel, et il m’a répondu; Il m’a délivré de toutes mes frayeurs. Lorsque vous cherchez Dieu, la Bible nous dit que Dieu vous répondra. Cherchez Dieu de tout votre cœur et il vous délivrera de vos frayeurs. Psaumes 94:19 Quand les pensées s’agitent en foule au-dedans de moi, Tes consolations réjouissent mon âme. L’anxiété peut rendre votre cœur lourd et pesant. Lisez la Parole de Dieu et laissez-le vous élever. Proverbes 29:25 La crainte des hommes tend un piège, Mais celui qui se confie en l’Éternel est protégé. Nos peurs tentent de nous abattre et de nous piéger. Dieu est notre refuge, il est notre port d’attache. Mettez votre confiance en Dieu. Colossiens...

Plus

Masǝŋ mai moo nyi swah byak fan nyi dǝɓ mo joŋ we laa pǝ'nyah tǝkine jam matǝ goŋga, ka we yea pǝkǝ̃ǝ ne byak ah ne swah Tǝ'yak Matǝdaŋdaŋ.

Paulus no ne fahlii ka ŋwǝǝ ɓǝ ah naiko

14 Wee pa ɓe, me tǝ ne suu ɓe belbel we kǝ̃ǝ fan sãh ɓo pǝlli, fatan baa ɓo tǝ ɓii kǝrkǝr, we gak ka lai ki laŋ ta. 15 Amma pǝ leetǝr mai me pee zahzyil mbaŋ ŋwǝǝ ɓǝ manyeeki ah ra nyi we gŋ, mor ka joŋ we foo ɓǝ mai we fee ɓo. Me ŋwǝǝ ɓǝ ah nai mor Masǝŋ nyi fahlii ah ɓo nyi me, 16 ka me ciŋ dǝɓ yeɓ Yesu Kristu mor za mai mo ye ka Yahuduen a. Me tǝ joŋ yeɓ pa joŋzahsyiŋ ne cuu Ɓǝ'nyah Masǝŋ mor ka za mai mo ye ka Yahuduen a mo ciŋra fan joŋ syiŋ ma 'nyah suu Masǝŋ, ka mo kiira nǝn pǝ koŋ ka ciŋ za mǝ ah ne swah Tǝ'yak Matǝdaŋdaŋ. 17 Ne tai mai me tai ki ɓo ne Yesu Kristu me gak yii suu ɓe ne yeɓ mai me tǝ joŋ mor Masǝŋ. 18 Mor me ka faa ɓǝ ki ya, sai yeɓ mai Kristu mo joŋ ne me, mor ka me ɗii za mai mo ye ka Yahuduen a ka mo laara zah Masǝŋ ne ɓǝ faani, tǝkine yeɓɓe, 19 ne swah dǝǝbǝǝri tǝkine yeɓ matǝ gǝriŋ ahe, ne swah Tǝ'yak Matǝdaŋdaŋ. Me tǝŋ cuu Ɓǝ'nyah Kristu daga Jerusalem ne yaŋ ma kah ah ra daŋ ŋhaa ge dai sǝr Illiria . 20 Cẽecẽe pǝ ɓǝ foo ɓe, me 'yah cuu Ɓǝ'nyah pǝ cok mai mo laara ɓǝ Yesu ya ba to, mor me 'yah ka me vuu tǝ kpii ah mǝ dǝɓ ki ya, 21 ka joŋ tǝgbana Ɗerewol mo faa:

Za mai mo ka tǝ faara ɓǝ ah ga zah ya a ga kwora ko.

Za mai mo laara ɓǝ ah taa ya a ga laara.

Paulus foo ɓǝ ga yaŋ Rom

22 Ɓǝ ah mai ko ye cak me ɓo bai ga wo ɓiiri. 23 Amma zǝzǝ̃ǝ gur yeɓ ɓe vǝr pǝ sǝr marai ɓe. Mor me ne koŋ ka ga ẽe we syii pǝpãa ɓe, 24 zǝzǝ̃ǝko me tǝ foo me tǝ ga sǝr Espania ɓe, me zoo ga tǝ ɓii ka ẽe we. Me kaa laa pǝ'nyah ne we nje ɓe, ka fahfal ah we swǝ fahlii ɓe ka ga gŋ. 25 Amma zǝzǝ̃ǝko me tǝ ga yaŋ Jerusalem mor ka joŋ yeɓ nyi za Masǝŋ mai mo no gŋ. 26 Mor za eklesia sǝr Makedonia ne sǝr Grek faara ɓǝ ɓo ka tai fan pee ga nyi za masyak mai mo kǝsyil za Masǝŋ yaŋ Jerusalem. 27 Foora ɓǝ ka joŋ fan ah ɓo ne zahzyil ɓǝǝra. Ɓǝ ah no wo ɓǝǝ na doole ka gbah jol za masyak ga ne fanne, mor eklesia Yahuduen mai mo yaŋ Jerusalem woŋra fan sãh ɓǝǝ ma tǝ'yak ne za mai mo ye ka Yahuduen a, so za mai mo ye ka Yahuduen a laŋ a gak woŋra fan sãh ɓǝǝ ma mor suu ma tǝ'nah ne ra ta. 28 Ne cok me joŋ yeɓ ah vǝr ne nyi fan ɗǝǝ ah nyi ra ɓe, me syee zoo ga tǝ ɓii ne ga sǝr Espania. 29 Me tǝ ɓe, ne cok me ge wo ɓii ɓe, me ga ne ẽe Kristu pǝlli.

30 Amma me pǝǝ we wee pa ɓe pǝ tǝɗii Dǝɓlii man Yesu Kristu ne 'yah mai Tǝ'yak Matǝdaŋdaŋ ye moo nyini, we gbah jol ɓe ne juupel mor ɓe wo Masǝŋ pǝlli. 31 We juupel mor ɓe ka me ǝ̃ǝ jol za ma bai iŋ ah sǝr Yudea, mor ka fan gbah jol mai me tǝ ga Jerusalem ne ko za Masǝŋ mo ge nyiŋ ra ne ɓǝ 'nyahre. 32 Masǝŋ mo 'yah ɓe, me ga dai wo ɓii ne ɓǝ 'nyahre, ka me ge 'yak kǝsyil ɓiiri. 33 Masǝŋ mai moo nyi jam mo yea ne we daŋ. Amen.