KEE ZANA 6 - Bible Moundang (MUA)

Ɓǝ lai ma mor Nasirien

1 Dǝɓlii faa nyi Mosus: 2 Mo faa nyi za Israel sye: Koo mo dǝwor o, wala mo madǝwin o, mo gbǝko zah ka ciŋ Nasiriyo ɓe, mo nǝǝko suu ah mor Dǝɓlii ɓe, 3 ka mo zwǝko bii lee kpuu vin ka, mo zwǝko yim ka ta, mo zwǝko fazwan mai mo joŋra ɓo ne bii lee kpuu vin ka, wala mo zwǝ fazwan ma tǝǝ dǝɓ manyeeki ah ra ka. Mo re lee kpuu vin mapǝ̃ǝ ah wala mayak ah ka. 4 Ne cok mai mo soɓ suu ɓo na Nasiriyo, mo reko fan mai mo gee wo kpuu vin ge ka, koo mo nah kpuu vin o, wala mo dah lee kpuu ah yo daŋ.

5 Ne cok mai mo gbǝko zah ɓo ka yea Nasiriyo, mo saŋko rĩi ah wala mo sõo ge lal ka. Ne cok daŋ ka nyi suu ah ɓo mor Dǝɓlii, mo soɓko rĩi tǝtǝl ah ne pyaŋ ah giŋ pǝwahe. 6 Ne cok mai mo nyiko suu ah ɓo mor Dǝɓlii, mo geko wo wul gwari ka. 7 Koo pah ah ye mo wǝ ɓo, mo mah ah yo, mo naa mah ah mawor ne mawin o daŋ, mo iiko suu ah ne ga wo wul gwari ka, mor rĩi tǝtǝl ah a no na fan ma cuu, nyi suu ah ɓo nyi Masǝŋ. 8 Pǝ zah'nan mai ako ye mo Nasiriyo, a ga yea pǝsãh pel Dǝɓlii.

9 Ne cok dǝɓ ki mo wǝ ne pel gwari nai sǝ kah Nasiriyo ɓe, ka rĩi ah mai Dǝɓlii moo kwan pǝsãh kŋ ii ɓe, sai ka mo so kaako byak zah'nan rǝŋ, ka mo so sõoko rĩi tǝtǝl ah ne pyaŋ ah ge lalle. Mo joŋ nai ɓe, ka so nǝǝ ɓe. 10 Ne zah'nan nama ah ka mo wooko matǝvaakol gwa, wala wee matǝvaawandala gwa ge wo pa joŋzahsyiŋ ne ko zahfah tal mbǝro ma taini. 11 Pa joŋzahsyiŋ mo joŋko syiŋ ma rwah faɓe' ga lal ne vaŋno, ka maki ah laŋ mo joŋko syiŋ suŋwii ne ko. Nai ɓe, a ga vãh ɓǝɓe' ah ga lalle. Mor ii suu ah ɓo ne fahlii mai mo juuko wul ɓo. Ka com ah sǝ ta, mo joŋko tǝtǝl ah daŋdaŋ. 12 Ka mo so nyiko suu ah na Nasiriyo pel Dǝɓlii faɗa. Mor ne cok ah ma kǝpel mo yea joŋko suu ah ɓo daŋdaŋ ɓǝ ah ɓeɓ ɓe, rĩi tǝtǝl ah ii ɓe, sai mo so ɓaŋko we pǝsãhm mai mo joŋ syii ɓo vaŋno ge ne ko, ka mo joŋra syiŋ ne ka soo tǝ ɓǝɓe' ah ne ko.

13 Ne cok zah'nan mai Nasiriyo mo gbǝ zah ɓo tǝ ɓǝ ah mo baa ɓe, ka mo geko zahfah tal mbǝro ma taini. 14 Ka mo geko pel Dǝɓlii ne faɓal ma suu sãh ah sai: we pǝsãhm mawor ma joŋ syii vaŋno, mor ka joŋ syiŋ suŋwii ne ko, ne we pǝsãhm matam mai mo joŋ syii ɓo vaŋno, ka joŋ syiŋ ma ɓaŋ faɓe' ga lal ne ko, tǝkine kǝbǝr gŋ vaŋno, ka joŋ syiŋ ma nyi jam ne ko. 15 Ka mo so geko ne tǝwaa mai sum ah mo wãm ɓo ne nǝm col vaŋno ne tǝwaa mai mo sokra ɓo pǝnyiŋ pǝnyiŋ, mo rwahra nǝm ge ɓo wol ahe, fan ah ra daŋ mo suu ne fan mbǝ̃ǝ ka, ka mo so geko ne fan nyi ma farel ne ma fazwanne.

16 Ka pa joŋzahsyiŋ mo wooko fan rai daŋ ge pel Dǝɓlii ne ko, fan ma nyi mor joŋ syiŋ ma ɓaŋ faɓe' ga lalle, ne ma joŋ syiŋ suŋwii daŋ. 17 Ka mo so joŋko syiŋ wo Dǝɓlii ne kǝbǝr ma mor joŋ syiŋ ma nyi jam. Mo so ɓaŋko tǝwaa ma ne colle, ne fan nyi ma farel ne ma fazwan daŋ ge pel Dǝɓlii ne ko. 18 Ka Nasiriyo mo sõoko tǝtǝl ge lal zahfah tal mbǝro ma taini, mo so wooko rĩi ah ge rǝk tǝ wii mai mo tǝ cwahra fan joŋ syiŋ ma nyi jam gŋ. 19 Fahfal ah ka pa joŋzahsyiŋ mo ɓaŋko sãh kǝbǝr mai mo kǝǝ ɓo kǝǝre, ne tǝwaa gŋ vaŋno, tǝkine tǝwaa mai mo sokra ɓo pǝnyiŋ vaŋno mo pǝ colle, tǝwaa mai mo ka ne fan mbǝ̃ǝr a, ka mo nyiko ge nyi Nasiriyo mai mo sõo tǝtǝl ɓo jolle. 20 So ka pa joŋzahsyiŋ mo woo gbah ge sǝŋ pel Dǝɓlii, fan nyi masãh ah mor za joŋzahsyiŋ yo, tǝgbana pel nǝǝ ne ɓal kǝfal kǝbǝr ma jokǝsãh ah mo ye mǝ pa joŋzahsyiŋ ta. Ka fahfal ah gur Nasiriyo no ne fahlii ka zwan bii lee kpuu vin.

21 Ɓǝ lai ma mor Nasirien a koiko. So dǝɓ ki kǝsyil ɓǝǝ mo faa pel Dǝɓlii zye ga nyi fan kal tǝ mai mo cuura ɓo nyi Nasiriyo ka nyi ɓe, ka mo joŋko ɓǝ ah baa ge cok ah na mai mo faako ɓo.

Ɓǝ za joŋzahsyiŋ moo ẽera zana

Découvrez 07 versets bibliques sur la paix

Le mot hébreu traduit par « paix » est « shalom ». Il signifie plus que le contraire d’un conflit. Il s’agit d’être complet et en sécurité. C’est pourquoi nous ne pouvons trouver la paix qu’en Dieu. Sans Dieu, nous ne sommes ni complets ni en paix. Vous avez le choix dans votre vie. En cas de conflit, cherchez-vous la paix ? Faites le premier pas et tendez la main à toute personne avec laquelle vous n’êtes pas en paix et cherchez la paix. Être un artisan de la paix est une bénédiction et un bonheur. En tant qu’enfants de Dieu, nous sommes appelés à rechercher la paix. Nous savons qu’il y a des conflits et des fauteurs de troubles dans le monde. Mais la Bible nous dit de faire ce que nous pouvons pour vivre en paix avec tout le monde. Lorsque vous marchez avec Dieu dans la paix, tout est différent. Il peut y avoir des conflits autour de vous, mais les conflits et les problèmes du monde ne peuvent pas vaincre la paix de Dieu. Travaillez activement pour la paix, non seulement dans votre propre intérêt, mais aussi pour édifier les autres autour de vous. La Bible vous souhaite, ainsi qu’à tous, de connaître la paix. Que Dieu soit avec vous, afin que votre vie soit paisible et complète. La bénédiction sacerdotale nous dit qu’en présence de Dieu, il y a la paix. Cherchez Dieu et vous le trouverez. Que Dieu vous bénisse.

Plus

22 Dǝɓlii faa nyi Mosus: 23 Mo faa nyi Aron ne wee ah ka mo ẽera za Israel naiko, mo faara: 24

Dǝɓlii mo ẽe we, mo byak we, 25 Dǝɓlii mo yea ne we, mo joŋ gboŋgboŋ wo ɓiiri, 26 Dǝɓlii mo ɓaŋ nahnǝn ẽe we ne 'yahe, mo nyi jam nyi we.

27 So Dǝɓlii faa: Ne cok mo tǝ juura pel ne tǝɗii ɓe mor za Israel mo tǝ faara gŋ nai ɓe, me ga ẽe ra.