Na yii Dǝɓlii
1 Na yii Dǝɓlii!
Me ga joŋ osoko nyi Dǝɓlii ne zahzyil ɓe daŋ kǝsyil zan ahe.
2 Fan mai Dǝɓlii mo joŋ daŋ a pǝsãh ɗii nai ne!
Za mai mo tǝ laara pǝ'nyah ne fan ah mo joŋ ɓo a 'yahra ka tan mor ah ta.
3 Yeɓ ah daŋ a pǝyǝkki,
Masǝŋ a njaŋ ga lii ga lii.
4 Dǝɓlii ka soɓ na yaŋ ɓǝ yeɓ sãh ah ra ya,
A kwan syak tǝ dǝɓɓi,
A gboŋgboŋ ta.
5 A nyi farel nyi za mai moo ɗuura ko,
Ka yaŋ ɓǝ gbanzah ah mo gbǝ ɓo ya.
6 Cuu swah ah nyi zan ah ne mai mo nyi sǝr za gwǝǝ nyi ra.
7 Pǝzyil fan mai mo joŋko daŋ a pǝsãhe, a njaŋ.
Ɓǝ lai ah ra daŋ a ne cok ahe,
8 A yea ga lii ga lii, Masǝŋ rǝk ɓo,
A pǝsãhe, a ne fahlii.
9 Dǝɓlii wǝǝ zan ahe,
So gbǝ zah ma ga lii ne ra.
Dǝɓlii a pǝyǝkki, a daŋdaŋ.
10 Fahlii mai ka dǝɓ mo ciŋ pa fatan ne ko ako ye ɗul Dǝɓlii.
A nyi yella masãh nyi za mai moo syeera mor ɓǝ lai ahe.
Dǝɓlii nǝn pǝkoŋ ka yii ga lii ga lii.
© Bible Moundang © Alliance Biblique du Tchad, 1996.
