Lǝŋ joŋ osoko
1 We joŋ osoko nyi Dǝɓlii,
Mor ako ye Dǝɓ sãhe, 'Yah ah ga lii ga lii. 100:5; 106:1; 107:1; 118:1; Jer 33:11
2 We joŋ osoko nyi Dǝɓlii ma kal masǝŋ ki ra daŋ, 'Yah ah ga lii ga lii.
3 We joŋ osoko nyi
Dǝɓ ma ne swah tǝ zaluu ra daŋ, 'Yah ah ga lii ga lii.
4 Ako yee joŋ dǝǝbǝǝri maluu syak ah to, 'Yah ah ga lii ga lii.
5 Ako ye joŋ sǝŋ ne fatan ahe, 'Yah ah ga lii ga lii.
6 Ako ye joŋ sǝr kan tǝtǝl bii sǝŋ, 'Yah ah ga lii ga lii.
7 Ako ye joŋ com ne fĩi, 'Yah ah ga lii ga lii.
8 Com a sǝǝ cok ne comme, 'Yah ah ga lii ga lii.
9 Fĩi ne ŋwǝǝmǝŋgai a sǝǝra ne suŋni, 'Yah ah ga lii ga lii.
10 Ik welii sǝr Egiɓ pǝ wulli, 'Yah ah ga lii ga lii.
11 Pǝ̃ǝ ne za Israel gin sǝr Egiɓ, 'Yah ah ga lii ga lii.
12 Joŋ yeɓ ah ne swah suu ah tǝkine swah jol ahe, 'Yah ah ga lii ga lii.
13 Woŋ mabii Syẽ kǝsyil gwa, 'Yah ah ga lii ga lii.
14 Zaŋ zan ah yee gŋ ne ra, 'Yah ah ga lii ga lii.
15 Jǝŋ bii ge tǝ Farao ne zan ahe, 'Yah ah ga lii ga lii.
16 Syee ne zan ah kǝsyicokki, 'Yah ah ga lii ga lii.
17 Ik za goŋ maswah ah ra pǝ wulli, 'Yah ah ga lii ga lii.
18 Ik za goŋ ma ne tǝɗii pǝ wulli, 'Yah ah ga lii ga lii.
19 I Sihon goŋ Amorien pǝ wulli, 'Yah ah ga lii ga lii.
20 I Og goŋ Basan pǝ wulli, 'Yah ah ga lii ga lii.
21 Nyi sǝr ɓǝǝ nyi zan ahe, 'Yah ah ga lii ga lii.
22 Nyi nyi za yeɓ ah Israel, 'Yah ah ga lii ga lii.
23 Ne cok na tǝ cuu swãa ɓe, ka soɓ na ya, 'Yah ah ga lii ga lii.
24 Wǝǝ na jol za syiŋ mana, 'Yah ah ga lii ga lii.
25 A nyi farel nyi dǝfuu tǝkine faɓal daŋ, 'Yah ah ga lii ga lii.
26 We joŋ osoko nyi Masǝŋ ma coksǝŋ, 'Yah ah ga lii ga lii.
© Bible Moundang © Alliance Biblique du Tchad, 1996.
