Dǝɓlii ga ŋgoŋ kiita tǝ za sǝrri
1 Dǝɓlii faa: Ne zah'nan ah me ga zyeɓ ɓǝ jam za sǝr Yuda ne za yaŋ Jerusalem. 2 Me ga tai za sǝr daŋ ga pǝ cok tǝforoŋ Ŋgoŋ Kiita ne ko, me ga ŋgoŋ kiita tǝ ɓǝǝ gŋ, tǝ ɓǝ fan mai daŋ mo joŋra wo za ɓe. Myahra za Israel ge pǝ sǝr manyeeki ah ra camcam, so womra sǝr ɓe kǝsyil ɓǝǝra. 3 Ira cahcah tǝ za ɓe, a gbahra wee tǝbanna ne woi lea fan ne ko, mor ka soɓ fan ah soo matǝkoi tǝkine zwan yim ne ko.
4 Sǝr Tirus ne Sidon ne Filistia daŋ, we 'yah ka joŋ me sye joŋ ɗǝne? We 'yah ka faŋ val tǝ ɓe ne? Mo nai ɓe, me yee hǝǝ faŋ val tǝ ɓiiri. 5 Awe woo vãm solai ɓe ne vãm kaŋnyeeri, we woo joŋ ɓe ra kal ge yaŋ masǝŋ ki ɓii ra ne ko. 6 We woo za sǝr Yuda ne za yaŋ Jerusalem gin pǝ sǝr ɓǝǝ kal ne pǝɗǝk we ge lea fan ne ra jol za Grek. 7 Zǝzǝ̃ǝko me ga woo ra pǝ cok mai we lea ra ge ɓo gŋ pǝ̃ǝ ne ko. So me ga joŋ fan wo ɓii tǝgbana mai we joŋ wo ɓǝǝ ta. 8 Me ga soɓ wee ɓii mawǝǝ ne maŋwǝǝ nyi za sǝr Yuda lea ta. So a ga woora ra lea ga jol Sabien pǝɗǝkki. Ame Dǝɓlii me faa naiko.
9 We lai ɓǝ mai kǝsyil za sǝr daŋ. We zyeɓ suu salle, we ɗii za maswah ah ra, we tai za sal daŋ ka mo gera. 10 We woo kpãh ɓii ra coo kafahe ne ko, we woo gwǝǝ ɓii we coo zǝǝ ne ko. Koo dǝɓ matǝtǝ̃ǝ ah laŋ a gak ruu salle. 11 Awe za mai we kaa ryaŋ sǝr Israel ɓo daŋ, we hǝǝ we ge, we tai ge pǝ cok tǝforoŋ.
Dǝɓlii, mo pee za sal ɓo maswah ah ra ge sǝŋ.
12 Za sǝr mo zyeɓra suu ɓǝǝ ka gin pǝ cok tǝforoŋ Ŋgoŋ Kiita. Ame Dǝɓlii me ga kaa gŋ ŋhaa ka ŋgoŋ kiita tǝ za mai mo kaara ryaŋ sǝr Israel daŋ ɓo. 13 Ara pǝɓe' no cam, mo cee ra ge sǝŋ tǝgbana dǝɓ moo cen sor ne gwǝǝre. Mo ŋhǝǝ ra tǝgbana dǝɓ moo ŋhǝǝ bii lee kpuu vin pǝ cok ŋhǝǝ ah ka bii ah mo ɗuu. 14 Za ujenere ujenere, ara no pǝ cok tǝforoŋ Ŋgoŋ Kiita, mor zah'nan Dǝɓlii moo ga ge gŋ ne a gwari. 15 Com ne fĩi daŋ ga joŋ pǝfuu, ŋwǝǝmǝŋgai laŋ ka ga sǝǝra cok ya.
Masǝŋ ga ẽe zan ahe
16 Dǝɓlii faa ɓǝ daga tǝwaa Sion, haŋ daga yaŋ Jerusalem, sǝr ne coksǝŋ daŋ laŋ geri geri, amma Dǝɓlii tǝ ga ǝ̃ǝ zan ahe. 17 Za Israel, awe ga tǝ, ame ye Dǝɓlii Masǝŋ ɓiiri, ame kaa ɓo Sion tǝwaa ɓe mai me nǝǝ ɓo, Jerusalem a ga yea yaŋ mai mo nǝǝ ɓo mor Dǝɓlii, za gwǝǝ ka gin ɗaŋra faɗa yao.
18 Ne cok ah 'wah kpuu vin a ga yea tǝwaa ra ne lii ah daŋ, tǝgee ra daŋ dǝǝ ga yea gŋ, pǝ el sǝr Yuda ra daŋ bii ga yea gŋ pǝlli. Bii ga ɗuu gin pǝ yaŋ Dǝɓlii ga pǝ cok tǝforoŋ Kpuu Akasia, mor ka mo yea pǝpǝ̃ǝ vuu.
19 Sǝr Egiɓ ga ciŋ cok kolle, sǝr Edom ga ciŋ fǝl kolle, mor za sǝr marai ge ruura sal ne sǝr Yuda, ikra zan ah mai mo joŋra ɓǝ ki ya ge lalle. 20-21 Me ga faŋ val tǝ za mai mo ik ra ge lal pǝ wulli, me ka ga kwo syak tǝ za ma joŋ ɓǝɓe' ya. Za ga kaara pǝ sǝr Yuda ne yaŋ Jerusalem ŋhaa ga lii. So ame Dǝɓlii laŋ me ga kaa tǝwaa Sion.
1 Gée’g gogo ndá m’a kɔm Ndiləm dɔ dəwje’g lai gə loo-loo,
Ŋgan síje gə́ diŋgam gə njé gə́ dené
D’a to njéteggintaje ləm,
Ɓugaje lə sí d’a koo né gə nije ləma,
Basaje lə sí d’a koo né gə némḭdije ləm tɔ .
2 Tɔgərɔ ya, mee ndəaje’g neelé
Kuraje gə́ diŋgam gə njé gə́ dené kara
M’a kɔm Ndiləm dɔ dee’g tɔ.
3 M’a kar néje gə́ dumkoo teḛ mee dara’g gə dɔ naŋg’d nee
Məs ləm, gə pər ləma, sa pər gə́ uba ŋgɔg-ŋgɔg ləm tɔ.
4 Kàr a tel ndul njudu-njudu ləm,
Naḭ a tel kas to gə́ məs bèe ləm tɔ
Ɓad ɓa kar ndɔ lə Mbaidɔmbaije a teḛ ɓəi,
A to ndɔ gə́ boo ləm, gə ndɔ nduba rɔ ləm tɔ .
5 Yen ŋga nana ɓa gə́ a ɓar ri Njesigənea̰ ndá a kaji,
Kaji lé a to dɔ mbal gə́ Sio̰ .
